Diskurtso kooperatiboak langile-kolektiboan ... - Euskara

Atal teorikoa
Fagor Arrasateren ibilbide historikoa
1968-1975
2.3 1968-1975
1. Aldaketa garaia
1.1. Lagun Aro eta Ularcon aldaketak
1969an bai Ularco eta bai Lagun Arori dagokionez, aldaketa
nabarmenak gertatu ziren. Ularco konplejua izatetik, 5
kooperatibez sortutako beste kooperatiba bat izatera pasatu zen.
Javier Mongelos zuzendari orokor izendatu zuten eta guztira 15
kidez osatutako Kontseilu Errektorea sortu zuten. Ularcoren
berregituraketa horrek ekarri zuen berriztapenik
kooperatibentzat. Adibidez, 1970 ekitaldiko irabazien banaketa
%100an egiterakoan, 12 milioi inguru eman zizkion Ularcori eta
beste horrenbeste gelditu zitzaion Arrasateri. Aurreko urteetan
laguntzak jaso zituzten, baina oraingoan beste zentzu bat hartu
zuten laguntzek. Gelditzen zitzaien diru kopurua aurrera egiteko
nahikoa ez zen arren, erabakia onartu beharrean zeuden. Honela
adierazten zen 1970eko memorian gertaera hau:
“(...) dicho remanente líquido es
insuficiente para alcanzar las cotas de
autofinanciación que precisamos para
desarrollar nuestra empresa, pero
confiamos mejorar a tasas suficientes en
años futuros.” (1970eko memoria)
Lagun Aro, bestalde, 1969ko ekainaren 19an estatutu berriak
onartuta, gaitasun juridikodun “Mutua Voluntaria” bihurtu zen.
Egitura berri horrekin 1970eko urtarrilaren batean hasi zen
martxan, Caja Laborali erabat lotuta, oraindik ere. 1974an
aldiz, bigarren mailako kooperatiba bihurtu zen Lagun Aro, bere
Kontseilu Errektore eta Zaintza Batzordearekin.
1.2. Markinako lantegia
Markinan 60 pertsonako taldea kooperatiba sortu eta lanerako
gogoz zegoela jakin zen. Bertan, Arrasateko departamentu
gisa jokatuko zuen planta bat zabaltzea posible ikusi zen.
1969ko Batzar Orokorrean Markinan beste planta bat zabaltzea
proposatu, eta bazkideek onartu egin zuten. 1970ean zehar ez zen
gauza handirik egin eta 71rako utzi zituzten beharrezko
inbertsioak urte bukaerarako martxan izateko esperantzaz. “Bi
dibisioa” izena hartu zuen eta hasieran makina estandarretan
oinarritu zuen bere ekoizpena, teknikoki errazagoa zelako.
167