Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
Formazioa ezinbestekoa da kooperatibagintza ulertu eta
konpartitzeko. Baina arlo soziala lantzeko horretan pentsatzen
jarriko diren pertsonen beharra ikusten da. Gerenteak arlo
enpresariala gidatzen du, lider sozialek aldiz arlo etikosoziala
gidatu eta elikatuko lukete.
“Liderrak (lider sozialak) falta ditugu”
(azaroak 19)
Gazteek euren hutsuneak aurreko belaunaldietakoena baino
nabarmenagoak direla diote. Aurrekoek izan dute eredurik, askok
fundatzaileak ezagutu izan dituzte baina azken hamar urtetan
sartu direnek ez dute eredurik izan. Euren iritziz eurengan dago
hezkuntza lan handiena.
“Zailtasuna gaztiongan dago. Ez daukagu ideiaik
bez. Estruktura organizatiboa zer den ez dakigu
bez. Norantz jo nola esango dugu ba?” (apirilak
22)
Diskurtso edo jarrera honetatik kritika iradokitzaile bat ere
igortzen zaio unibertsitate kooperatiboari. Izan ere, Mondragon
Unibertsitateak hezkuntza integrala eskaintzeko aukera dauka:
alde batetik hezkuntza teknikoa eta bestetik formazio etiko
soziala.
“Unibertsitateak hezkuntza integrala bultzatu
beharko luke. Formazio teknikoa eta soziala biak
landu beharko lirateke Mondragon
Unibertsitatean” (Azaroak 5)
Diskurtso honen jarrera edo tonua baikorra izan arren badago
kritikarik ere. Ez dago kooperatibismoarekiko jarrera
konplazienterik. Gustoko duguna mantendu eta gaizki egiten
duguna aldatu beharra dago. Beti ere, “behetik gorako”
eraikuntzan, kooperatiben subirotasun eta autonomian oinarrituz.
Diskurtso honen atzean kokatzen diren pertsonak protagonista
sentitzen dira. Erantzule eta eraldatzaile dira aldi berean.
Euren diskurtsoa arduratsua dela esan dezakegu, gaur egungo
kooperatibagintza arduratik bizi dute.
248