Diskurtso kooperatiboak langile-kolektiboan ... - Euskara

Atal teorikoa
Fagor Arrasate eta Fagor Taldea
3.2.3 Langileen lekualdaketa
Taldearen babes eta laguntzaren isla zen langileen lekualdaketa
politika. 1980.ean Arrasateko 80 bazkidek beste kooperatiba
batzuetara joan behar izan zuten lanera. Aurretik beste lantegi
batzuetakoak Arrasaten izanak ziren lanean baina oraingoan
Arrasateri tokatzen zitzaion, lan eskasia eta krisialdia zelaeta,
bere bazkideei taldeko beste kooperatibetan lanpostuak
bilatzea.
“Da orduan gu horrek harrapatu gindduen en el
76 edo. Ta orduko ia jende mordo bat sartuta
giñenez, ba orduan etorri zan apur bat el
reajuste. Jentia reubikau biherra eta,
extornuek eta. Nolabaiteko Arrasateko
lehenengo drama 76 edo 77, edo hortxe-hortxe
izen zan.” (Gregorio Etxabe)
Urte txarrak zetozen, ordura arteko txarrenak ziren baina
hurrengoetan egoera gehiago okertuko zen. Taldean egoteak,
Ularcon partehartzeak berebiziko garrantzia izan zuen, hala ez
balitz segur aski gaur egun desagertua izango zen Arrasate, bere
betiko konpetentziei gertatu zitzaien moduan (Verson, Grabener
eta beste hainbatek porrot egin baitute).
1981eko urtarrilaren batean Langileak Lekualdatzeko Araudi
berria jarri zen martxan. Hiru aukera posible zeuden: 1)
kooperatiba berean dibisioz aldatzea 2) beste kooperatiba batean
behin-behineko lana topatzea 3) beste kooperatiba batean behinbetiko
lanean gelditzea.
4.Kontseilu sozialaren lorpenak eta hutsuneak
4.1. Kontseilu Sozialaren egitura eta funtzionamendu
aldaketak
1975eko otsailean Kontseilu Sozialaren hutsune eta hobekuntzei
buruzko Ularco mailako informea plazaratu zen. Organo hau
aztertzeko beharra Ulgorreko grebalarien kaleratzeak ekarri
zuen, Kontseilu Sozialak bere funtzioa egoki bete ez zuelakoan.
Arazo horren aurrean, Ulgorrek hartu zuen protagonismoa, baina
gainontzeko kooperatibei ere eragin zieten hartutako neurriek.
Kontseilu Sozialeko kideek ardura hori betetzeko denbora gehiago
eskatu zuten, konsejiloak martxan jarri ziren eta Kontseilu
Sozialeko kideentzat formazio-plangintza zehatz bat antolatu
zen. Arrasaten hartutako neurri bat konsejiloak hilero egin
beharrean, hiru hilean behin egitera pasatzea izan zen.
Neurri horiekin Kontseilu Sozialeko ordezkariek eskainitako saio
informatiboen kalitatea hobetzea lortu nahi zen. Kooperatiba
barneko komunikazioa eta harremanak hobetzea, alegia.
176