Diskurtso kooperatiboak langile-kolektiboan ... - Euskara

Atal enpirikoa
Azterketa kuantitatiboaren ondorioak
5.1.2 Gehiengoari kooperatibismo gero eta sakonagoa
garatzea gustatuko litzaioke
Aipatu dugun bide koherenteago eta berritu horretatik bidea
egiten hasteko, kooperatibistei zer nolako kooperatibagintza,
zer nolako mugimendu kooperatiboa gustatuko litzaieken galdetu
diegu. AKEren ipar garrantzitsuenetakoa hazkuntza ekonomikoa
izan da bere historian zehar, ongizate materialaren aldeko
hautua egin duela esan genezake. Baina testuingurua aldatu den
honetan galdera berriak ere sortzen zaizkigu. Etengabe haztearen
joera ote da etorkizuneko iparra? Lanpostuak sortzearen ideian
agortzen da diferentzial kooperatiboa, ala zerbait gehiago dago?
Gehiengoak, eta bereziki gazteenek, kooperatibismo gero eta
sakonagoa garatzea gustatuko litzaiokeela erantzun du, nahiz eta
horrek berarekin enpresarialki tamainaz ez handitzea ekarriko
balu ere. (%58 ados edo erabat ados agertu da). Gustatu ordez,
zer gertatuko den galdetuta, berriz, bestelakoa izan da jasotako
erantzuna: gehiengoaren ustez ez dugu kooperatibismo gero eta
sakonagoa garatuko nahiz eta enpresarialki ez handitu
(galdetutakoen artetik %46a kontra edo erabat kontra agertu da).
Oraingo honetan ados edo erabat ados agertu direnak %20 izan
dira.
Beraz, multzo handi bati kooperatibismo gero eta sakonagoa
garatzea gustatuko litzaioke baina ez du uste horrelakorik
gertatuko denik. Zergatik ez? Ez al dira kooperatibistak
kooperatiba eta kooperatibagintzaren subjektu aktibo? Ez al dira
protagonistak? Badirudi kanpo faktoreak direla kooperatibismo
gero eta sakonagoa garatzeko oztopo.
Belaunaldiei dagokionez, gazteak agertu dira kritikoen, hauen
artean gehiengoak ez du uste kooperatibismo gero eta sakonagoa
garatuko dugunik, nahiz eta enpresarialki tamainaz ez handitu
(%55ak kontra edo erabat kontra markatu du). Erdiko adin
tartekoen gehiengoak ere ez du uste hori izango denik
kooperatibagintzak jarraituko duen bidea: %44a kontra agertu da
eta %15a erabat kontra.
51-65 adin tartekoen %40aren iritziz “bai” garatuko dugu
kooperatibismo gero eta sakonago bat, nahiz eta enpresarialki
tamainaz ez handitu. Baikorren agertu dira beste behin ere
belaunaldi honetakoak. Halere, paradoxiko xamarra dela iruditzen
zaigu, izan ere, etorkizunean gehien sinesten dutenak, ez dira
etorkizuneko protagonista izango direnak. Hauetako azkenak
gehienez ere 10-15 urteren bueltan erretiroa hartzeko sasoian
egongo dira.
Enpresarialki hobetzen joango den kooperatiba gustatuko
litzaioke %76ari, kooperatibismoari dagokionean orain arteko
izaera mantenduz. Eta errealitatean ere halaxe gertatuko dela
uste du gehiengo zabalak. Era berean, gizarteko alor desberdinak
461