Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
“nik Fagor Taldia eztot, eztaitx… badakit
badauela eta badakit badauzela elkartasun mekanismo
batzuk eta. Eta erabaki batzuk komunek izan biher
dabiela eta hori dana, baina… Fagor Talde moduan
eztot bizi izan dauenik ezer berezirik. Aparte
normatiba horrek danak eta bete behar direla eta
gauza asko batera erabaki behar direla, baina…
bestela holan beste lotura motaik ez dot bizi izen,
eztot perzibitzen.” (ET4;H2)
Zuzenean eta jarraian bota dizkiogu galderak: Fagor Arrasateko
kide sentitzen zara? Fagor Taldeko kide sentitzen zara? Eta
azkenik, Mondragon Taldeko kide sentitzen zara? Horra hor
jasotako erantzuna.
“Arrasate: bai. Fagor be bai. MCC ez jat
gustetan larrei, kooperatibagintza munduko parte gisa
baina MCC. MCCn gauza askokin ez nago ados.” (ET4;H2)
Fagor Arrasateko kide sentitzen da. Fagor Taldeko kide ere bai.
MCC aldiz, ez zaio asko gustatzen, kooperatibagintza munduko
parte moduan bai baina Mondragon Taldeko gauza askorekin ez
duela bat egiten erantzun digu.
2-3 partaideari ere Mondragon Taldeak ez dio askorik aportatzen.
Dena den, sare zabal baten kokatua egoteak indartsuago egiten
zaituela aitortzen du.
“neri MCCk pertsonalmente ez dit ezebe aportatzen.
Gero englobauta egotia horrelako sare baten, ba bale
indartsuago egingo zaitu. Baina neri ez dit ezer
aportatzen, eta gehio esango dizut: nik MCC ikusi
izan det Fagorren batasun hori pixkat hautsi nahian.
Zergatik? Ba askotan e, indarra dauken talde bat
barruan eukitzea beti talde horren alde ein behar
dezu eta kontra sortu daiteke.” (ET2;H3)
“Fagor Taldea ez balitz egon. Gaur egun ez ginake ez
zu ez ni hemen egongo. Fagor Arrasate itxita egongo
litzake.” (ET2;H3)
“eta bakoitza bere aldetik junez gero izango ginake
MCCren txontxogilo batzuk. Fagor Taldeak emoten dozku
indar bat eta nortasun bat.” (ET2;H2)
Arrasate kooperatiba moduan hautsita balego Mondragon Taldearen
laguntza izango luke? Hori da 2-1 partaidearentzat egin
beharreko galdera. Badaki Fagorrek baietz, taldean egonez gero
horrek lagunduko zuela, beti horrela izan delako eta ondo
egindako gauza bat delako. Badirudi kasu horretan Mondragon
Taldearen laguntza jasoko ote lukeen zalantza egiten duela.
302