Diskurtso kooperatiboak langile-kolektiboan ... - Euskara

Atal teorikoa
Fagor Arrasate eta Fagor Taldea
1.6 Ekoizten dituen produktuak
Honako produktuak ekoizten ditu Fagor Arrasatek:
- Prentsak eta Estanpazio Sistemak
Fagor Arrasate eredu da mundu guztian Prentsak eta Estanpazio
Sistemak diseinatu eta egiten.
Fagor Arrasatek 630 KNtik 150.000 KNra bitarteko gaitasuna duten
prentsak eraikitzen ditu, mekanikoak zein hidraulikoak. Halaber,
Estanpazioko Sistema osoak hornitzeko gaitasuna du, hau da,
prentsaz gain behar diren periferiko guztiak ere eskaintzen ditu
(elikadura lerroak, transferrak, robotizazioa, trokelak, etab.)
gure bezeroei sistema integratuak eta erabiltzeko egoeran
prestaturik eskaintzeko.
Software sistema espezializatuak ditu prentsen mugimendua
simulatzeko eta zehaztasun handiko link-drive eragingailuentzat.
Horrek aukera ematen dio Fagorreko Ingeniaritza sailari
produkzio sistemarik onenak hornitzeko.
- Metalezko Piezak Prozesatzeko Lerro eta Ekipoak
Kooperatibaren webgunean jasotzen denez “Fagor Arrasate mundu
mailan espezialista da etxetresna elektrikoak, metalezko
altzariak eta eraikuntzarako piezak fabrikatzeko makinak,
lerroak eta ekipoak diseinatu, muntatu eta prest jartzen”.
Fagorrek hozkailuak, ikuzgailuak, ontzi-garbigailuak, sukaldeak,
etxetresna txikiak etab. egiteko piezen manufakturan
espezializaturiko makina, lerro eta ekipoak diseinatu eta prest
jartzen ditu. Baita metalezko altzari, eraikuntza, industria
elektriko eta abarretarako pieza bereziak egitekoak ere. Eta
hori guztia puntzonaketa, xaflak toleste, profilaketa,
soldadura, clinch erako lotura eta beste hainbat teknologia
integratuz, dagozkien automatismoekin.
Aldi berean, kooperatiba prestaturik dago Sistema osoak
hornitzeko, hau da, pieza fabrikatzen duen lerroaz gain,
beharrezko diren periferiko guztiak ere eskaintzen ditu
(metagailuak, manipulazioa eta mihiztadura, robotizazioa, clinch
soldadura, etab) gure bezeroei pieza teknikoetarako soluzio
osoak eskaini ahal izateko, muntajea eta amaierako prest jartzea
(erabiltzeko prest uztea) barne.
146