Diskurtso kooperatiboak langile-kolektiboan ... - Euskara

Atal enpirikoa
Lehen hurbilpena
2.2 Aurkako diskurtsoa/kritika ezkorra
Iritzi multzo honen ikuspuntutik, azken hamarkada hauetan
kooperatiba indiferentziazio prozesu batean murgildu da.
Askorentzat jada ez da lehen zena, hainbat praktika eta jarrerek
kontraesan eta inkoherentziaz josi dute gaur egungo
kooperatibagintza.
Kooperatibak zituen berezko ezaugarriak lausotzen ari dira.
Hauen ustez, enpresa kapitalistan lan egin edo Arrasaten lan
egin gauza bera da, enpresa bat da baina ez da desberdina denik
sentitzen. Ez dute alderik ikusten edo eta alde atxikiegia dela
uste dute. Aldea nabarmenagoa izatea gustatuko litzaieke.
Goikoak Vs behekoak
“Hau farsa bat da. Bihurtu da beste S.A edo S.L
modukoa. Instrumento bat beste era baten
zuzentzeko enpresia” (urtarrilak 22)
Diskurtso honen arabera, kooperatiba barneko antolaketa bi
estatusetan eraikita dago, alde batetik goikoak (bulegoetako
langileak) bestetik behekoak (tailerrean lan egiten dutenak).
Goikoek, hau da, kooperatibako gidaritza dutenek dute gertatzen
den guztiaren erantzukizuna. Pertsona batzuk pentsatzeko
(goikoak) eta besteak egiteko (behekoak) daude, eta pertsona ez
da bere osotasunean aintzakotzat hartzen.
“Alde espiritualak failatzen du, goiko eta
beheko kultura sortu da. Pertsona ez da
aintzakotzat hartu. “Unos pensar y otros hacer””
(azaroak 5)
Ez zaie kooperatibaren antolaketa hori gustatzen, ez dute
onartzen baina zerbait aldatzekotan goitik behera izan beharko
dela uste dute. Partehartzerako dauden mekanismoek ez dute
funtzionatzen eta behetik gora ezin daiteke ezer eraiki.
“Behekoek” teorian bai baina praktikan ez dute ezer aldatzeko
gaitasunik.
“Goitik behera aldatzen hasi beharra, goikoak
behera jaitsi beharko dira. Ez da ikusten
esfortzu berdina denongan. Lehen zen “de tu a
tu”. Eurak zeruan gu lurrean, lurra lurrean
dago, eurak jaitsi beharko dira zerutik.”
(Abenduak 17)
Boterearekiko amorru edo haserrea antzeman daiteke diskurtso
honen atzean. Zehatzago esanda, boterean daudenekiko jarrera
mesfidati eta zorrotza. Ardura postuak dituztenekiko begirunerik
ez da agertzen, eta bestetik adierazten da euren gain dagoela
235