Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
Dena dela gazteagoek sentitzen edo ikusten al dute ilusiorik? Ez
dauka hain argi eta galdera luzatu die gazteei.
“gure tartian? Ba, bueno, lan postu bat ona
eukitzia, jende guztiak, danok humanos gara eta danok
gabitz hor eztaukouelako beste proiektu argixaurik.
Nik gaur egun hori ikusten dot. Eta azkenian, zabitz
hori, lan postu bat, soldata on bat, eta lasaitasun
bat. Orduan eztau konpromiso hori, ez tau
konpromisorik, eztau ilusiñorik. Eztaik honek gaztiok
sentitzen daben ilusiño hori, hori konpromiso hori,
o, ikusten dozuen ezer holakorik.” (ET1;H1)
Gazteek ilusioa bai, baina apala dutela uste dute. Ibilbide
luzea egin duen kooperatibistaren ondoan eta gaztetan nola bizi
zuten kooperatiba entzunda, orduko gazteen ilusioak eta gaur
egungo gazteen ilusioak ez dauka zerikusi handirik.
“nik esan dotzut lehen be bai. Nik eztot, nik
ez. Zuk esan dozun moduan lehen, sentitzen zinuan
ilusiño haundi hori nik sekula eztot euki. Eztakit
zeatik, o eztozte saldu ondo, edo nik eztot e, nik
eztot euki ilusiño hori…” (ET1;H5)
Gazte guztiak berdin egotea, hau da, gazteek diagnostikoan bat
egitea ez da kasualitatea 1-4 partaide gaztearen iritziz; ilusio
eza ez da gazteen erantzukizuna bakarrik, erantzukizun
konpartitu bat da. Garai batean sentitzen zutenek gaur egun ez
dute hainbeste sentitzen eta ilusio galera hori transmititu
egiten da. Nola sentituko du etorri berri batek urteak
daramatzan bazkideari ilusioa apaldu edo eta itzali bazaio?
“honbre, nik uste dot gazte danak berdin bagaz,
eztala kasualidadia…” (ET1;H4)
“ez, kasualidadia eztot uste danik. Ez dakit.”
(ET1;H5)
Balioak? Ez da aparteko baliorik sumatzen, bakoitzak bere lana
egiten du eta bere egunerokotasunari eutsi.
“baloriak? Ez dakit, nik hona etorri, bakoitzak
bere lanpostua dauka, bere lana ein. Eta, nik eztot
ikusten hola…” (ET1;H5)
Gaur egun dagoen balioa anbizio pertsonalarekin lotzen du 1-1
partaideak. Indibidualizaziorako joerarekin lotzen du zuzen.
Lanak baino garrantzi handiagoa duten bestelako balioak daude
gaur egun gizartean, esaterako aisialdirako tartea. Bere ustez
hori akats bat da, proiektu bat egoteak anbizio pertsonal hori
orekatzen lagunduko luke eta pertsona sozialagoak izateko aukera
eskainiko luke.
284