Diskurtso kooperatiboak langile-kolektiboan ... - Euskara

Atal teorikoa
Fagor Arrasateren ibilbide historikoa
1956-1961
Azkenik, 1961. urtean era honetan definitu zuen Arrasatek bere
etorkizunerako jarduera: “fabricante de máquinas herramientas y
utillaje para el corte y transformación de la chapa”. Erabakia
hartzerakoan merkatuan zegoen eskaera, langileen formazio eta
gaitasuna eta txaparen manipulazioan Arrasateko herriak zuen
esperientzia hartu ziren kontuan.
4. Kooperatiben arteko elkartasuna
Talleres Arrasateren lehen urratsetan ezinbestekoa izan zen
Ulgorren bultzakada. Ulgorrek produktu egokiarekin Arrasatek
baino lehen egin zuen topo, kooperatiba izaera beranduago hartu
bazuen ere, eta Arrasatek Ulgorrentzat egindako lanaren uzta
izan zen emaitza positiboak ekarri zizkion lehenengo negozioa.
Baina 1959an, Caja Laborala sortzeko ahaleginak hasterakoan,
elkartasun lotura nabariagoa da. Kontseilu Errektoreko aktetan
behin eta berriz azpimarratzen da kooperatibak taldekatzearen
garrantzia:
“Esta Junta Rectora hace constar su
total identificación con la labor a
desarrollar por la citada Caja, a la
que prestará todo el apoyo que lo
permitan sus posibilidades. (...) La
necesidad de iniciar (...) una
colaboración más estrecha entre las
cooperativas socios de la misma;
colaboración que debe ser de todos los
órdenes, siguiendo la tendencia actual
de agrupar empresas al objeto de poder
hacer frente con más garantías de éxito
a las crecientes dificultades del
mercado actual y del que se avecina.”
(K.E.ko akta 62 1959/12/15)
Horrela, 1959an langileko 10.000 ptako ekarpena egin behar izan
zuen Arrasatek, beste bazkide kolaboratzaileekin batera, eta
1961ean ere bazkide kolektibo ziren aldetik, beste ekarpen bat
egin zuten. Ez ziren Arrasatek bizi izandako sasoirik onenak
diru kontutan, eta eraikuntza berria erosteko asmotan zebiltzan.
Sortu berri zen/zuten Caja Laboralaren lehenengo mailegua
Arrasateri eman zitzaiola dio historiak.
62 Kontseilu Errektoreko akta.
155