Diskurtso kooperatiboak langile-kolektiboan ... - Euskara

Atal enpirikoa
Lehen hurbilpena
“Irabazien zati bat bertan inbertitzea, formula
jakin batzuk garatzea” (azaroak 19)
Halere, prudentzia puntu bat ere nabari da. Goazeneko gizartea
errespetatu beharra dago, ezingo genuke Euskal Herrian garai
baten sortu zena inon erreproduzitu. Ondo aztertu beharko
litzateke Arrasateko Kooperatiba Esperientziak zer duen
eskaintzeko beste testuinguruetan.
“ “Misionero” lanetan joatea ere ez da. Bertako
kultura eta gizartea errespetatu beharko genuke.
Etxean ere ez dugu kooperatibaren kulturarik…
beraz, zer eramango dugu?” (azaroak 19)
Nazioartearen gaiaren inguruan sentsibilitate berezi bat
antzematen da. Halere, ez da alternatiba argirik eskaintzen.
Gaur egun kooperatibagintzak bizi duen erronka nagusienetako bat
bezala bizi dute langileek eurek ere.
Bazkide ez diren langileei dagokionean ere zerbait egin
beharrean daudela uste dute. Kooperatiba izaerak bereizgarri
izan beharko luke, lan baldintzak zaindu beharko lirateke. Gai
honetan autokritika egitea ezinbestekoa dela uste dute.
“Produktua dela eta malgutasun bat beharrezkoa
da baina, zein tamaina izan behar du koltxoi
horrek? Kooperatiba garen aldetik dena ez da
libre. Legea betetzeaz gain moralak ere ez
liguke utzi behar” (azaroak 19)
Halere, eta egiten dena asko hobetu daitekeen arren,diskurtso
honek kapitalismoarekiko ezberdintasun batzuk ikusten ditu.
Kooperatibagintzak bere ibilbidean zehar garatutako elkartasun
formulak mantendu eta hobetu beharreko elementuak dira.
Hezkuntza da gakoa
“Kapitalismoaren aldean, solidariagoak gara”
(azaroak 5)
Hezkuntza kooperatiboari dagokionean ez da azken hamarkada
hauetan planifikaziorik egon. Sasoi batean berez ematen ei zen
transmisioa. Balore eta printzipioak egunerokoan bizi ei ziren.
Gaur egun ordea hezkuntza egituratu baten beharra ikusten da.
“Formazio minimo bat egon behar da. Dirua ipini
eta kooperatibista, ba ez, ez?” (maiatzak 20)
247