Diskurtso kooperatiboak langile-kolektiboan ... - Euskara

Atal teorikoa
Arrasateko Kooperatiba Esperientziaren oinarri filosofikoak
4. Kapitalaren izaera instrumentala eta menpekoa
Arrasateko Kooperatiba Esperientziaren ikuspuntutik, Kapitala
Lanaren menpe dagoen tresna da, enpresaren garapenerako
beharrezkoa dena eta ondorengo ezaugarriak izan behar dituena:
a) Ordainsari bat jasotzea:
Justua, aurrezteak eskatzen dituen ahaleginen
araberakoa.
Egokia, beharrezko baliabideak lortzeko.
Mugatua, arautze egokiaren bidez.
Lortutako Emaitzekin lotura zuzenik gabea.
b)Kooperatibaren iraupenaren eta garapenaren menpe jarduteko
prest egotea, atxikipen askearen printzipioaren aplikazio
erreala eragotzi gabe.
Laugarren printzipio hau hirugarrenaren osagarri dela esan
dezakegu. Aipatu dugunez, kapitalak irabaziak eman ditzake, hau
da, ekitaldi bukaeran kapitalaren gaineko interesak jaso ditzake
bazkideak. Halere, kapitalak ez du gestiogintzarako eskubiderik
ematen.
Kapitala esperientziaren garapenerako ezinbesteko tresna da.
Kapital enpresa eta koopertiba elkartearen arteko aldea
nabarmena da.
Esperientziaren hastapenetan lau elementuk osatzen zuten
kapitalaren ordainsaria.
74