Diskurtso kooperatiboak langile-kolektiboan ... - Euskara

Atal enpirikoa
Eztabaida Taldeen azterketa
douela kooperatiba ondo, ondo eguneratu gaurko
momentura. Nik horrela, bidean akatsak egon dira eta
resultaua hor dago ez?” (ET1;H2)
Gero zer gertatu den? 1-2 partaidearen iritziz ez da ondo
eguneratu gaurko momentura. Sorrera garaietan esperientzia
guztietan egoten da hasierako ilusioa eta badirudi hori
itzaltzen utzi dela, eta bidean akats asko egin direla zentzu
horretan. Atal teorikoan aztertu dugun Meisterren ikerketaren
ondorioekin bat egiten duela dirudi. Edozein esperientziaren
sorreran dagoen ilusio eta inplikazio zein pertenentzia
sentimendua gutxitzen doa. Gure solaskidearen irudiko, bilakaera
hori asumitu beharra dago.
Kooperatibismoa bizi eta sentitzeko orduan egunerokotasunak
zeresan handia dauka. Gazteekin egindako eztabaida taldean,
horrela azaldu ziguten. Izan ere, kooperatibista sentitzeko
eguneroko lanean gustora sentitzea garrantzitsua da.
Egunerokotasunak eragiten du.
“batzutan bai eta beste batzutan ez. Nik ez
dakit ez dakit, azkenaldixan zela nabilen bastante
negatibo lehen kontau doten horrekin ba ia… eukitta
daukat denborak ba baietz, beste batzutan ezetz.
Segun zela daukotzun egunerokotasuna be bai…”
(ET4;H2)
Agian, gazte hauen sentimendua hauskorragoa da beste belaunaldi
batzukin konparatuz gero. Gaur egun lanpostuko baldintzek eta
norbera aintzat hartua izatea oso garrantzitsua da eta hori ez
bada ondo zaintzen, horrek eragin zuzena dauka sentimendu
kooperatiboan. “Nola sentituko naiz kooperatibista
egunerokotasunean egurra jasotzen badut?” Galdetu du gazte batek
erdi etsita.
2-1 partaideak bera bizi guztian izan dela kooperatibista eta
kooperatibista moduan hilko dela aitortu digu. Jaio zenetik ez
ei du besterik entzun eta beraz, ezingo litzateke beste modu
batera izan.
“bai, ni bizi guztian izen naiz da oin be bai.
Da kooperatibista moduan hilko naiz. Hori seguru.
Eukiko dittut neure disgustuak eta neure zeak hori
leku guztietan daukotzu, ez pentsau hemen bakarrik
eh? Danian dauketzu. Baine, ni kooperatibista.
Gainera jaixo nintzanetik beste gauzaik ez dot
entzun.” (ET2;H1)
265