Diskurtso kooperatiboak langile-kolektiboan ... - Euskara

Atal teorikoa
Fagor Arrasate eta Fagor Taldea
3.Lorpen kualitatiboak
70eko hamarkada erditik aurrera lortutako emaitzak
kuantitatiboak baino kualitatiboak izan ziren. Alde batetik,
langileen partehartze maila zalantzan jarri zen eta lan
aurrerakinari buruzko eztabaidak izan ziren Ularco mailan.
Bestetik kalitatearen garrantzia, formazioaren beharra, eta
beste hainbat hutsune betetzeko proposatutako ekintzak burutu
ziren. Aldaketa kualitatiboz jositako garaiak izan ziren.
3.1 Deszentralizazio prozesua: dibisioen berregituraketa
1977an dibisio edo lantegien antolaketari dagokienez eman ziren
aldaketa batzuk deszentralizatze aldera. 1976 bukaera arte, bi
dibisiok osatzen zuten Arrasate: lehenengo dibisioak bi lantegi
zituen, Arrasaten eta Markinan, eta bigarren dibisioa utilajeena
zen. 1977tik aurrera, Markinaren independentziarako gogoa zelaeta,
beste dibisio bat sortu zuten. Horrela Markina III.
dibisioa izatera pasatu zen.
III. Dibisioa sortzerakoan, Zuzendaritza Kontseilua eraldatzeko
beharra ikusi zen, antzinako egitura mantenduz gero, 20 kide
inguru bilduko ziren eta efiziente izateko gehiegizko kopurua
zen. Zuzendaritza Kontseilua 3 dibisioetako zuzendariak, 4
departamentuetako buruak, Ularcoko bi aholkulari eta Kontseilu
Errektoreko lehendakaria bilduko ziren. Batzorde Tekniko
izenpean beste organo bat sortu zuten dibisioko zuzendaria
departamentu buruekin elkartzeko.
Talde Teknologia zela-eta, banaketa desberdina ezarri zen bai
Arrasateko lantegian eta baita Markinan beranduago ere.
Administrazio eta Ekoizpen Departamentuak berrantolatzeko
azterketak ere egin ziren, txikia gelditu baitzen lekua
hainbeste langilerentzat. Produktua garatzeko departamentua ere
sortu zuten, Bulego Teknikoa eta Komertziala indartzeko hiruna
langile berri kontratatu zituzten. Ahalegin horiek guztiak
enpresaren emaitzak hobetzeko egiten ziren.
3.2 Partehartzea eztabaidagai
3.2.1. Lan Antolakuntza Modu Berriak (NFOT)
Kooperatibetan langileen partehartzea Kontseilu Errektore eta
Sozialerako ordezkariak aukeratzera mugatzen zen eta orduko
zuzendariak arduratzen hasi ziren. Partehartze hori beste eremu
batzuetara zabaltzeko asmoz, Noruegako Movimiento por la
democracia en el trabajo-ko liderra zen Einar Thorsrud-engana jo
zuten Ularco mailako hainbat ordezkarik. Aditu honen ekarpena
inspirazioa soilik izan zela diote.
Behar handiena Ulgorrek bazuen ere, 1972an Coprecin eman ziren
lan antolakuntza modu berriak martxan jartzeko lehen urratsak.
174