Diskurtso kooperatiboak langile-kolektiboan ... - Euskara

Atal teorikoa
Bigarren aroa:1970-1990
1964tik aurrera ordea, kooperatiba gehiago sortuz joan ziren
heinean, eskualdekako antolaketari ekin zitzaion. Merkatu
autarkikotik merkatu zabalago batera igarotzean biziagotu zen
lehiakortasunari aurre egiteko eta bizi izandako krisi
finantzieroaren ondorioz, indarrak biltzeko beharra ikusi
baitzuten.
Kooperatiba taldeak inguruko aldaketetara moldatzeko gaitasun
handia erakutsi zuen, eta etengabeko hazkuntza fasea bizi izan
zuen hasierako urte horietan. Horren adierazle dira 1960 eta
1970 bitartean sortu zituen lanpostuak, ondoko grafikoan jasota
daudenak:
10000
9000
8000
7000
6000
5000
4000
3000
2000
1000
0
Langileen eboluzioa
1960.urtean 1965.urtean 1970.urtean
Arrasateko kooperatiba
taldeak 1960an 479 langile
izatetik 1965ean 4211
langile izatera pasa zen,
1970an 8743 izatera
ailegatu arte.
Oparotasun eta hazkuntza
urte hauetan hamarnaka
kooperatiba taldera gehitu
eta beste hainbeste sortu
ziren: Copreci, Ederlan
eta Lana 1962an; Soraluze
eta Vicon 1963an; Irizar
eta Miba 1964an; Fagor
electronica eta Tajo
1966an… Urtero gutxienez kooperatiba bat sortu edo taldera
gehitzen zen.
Hazkuntza honek, esan bezala, gertutasun geografikoa irizpide
bezala harturik eskualdekako enpresa taldeak sortu ziren
pixkanaka-pixkanaka.
2.2.3 Eskualdekako taldekatzeak
73ko krisialdiaren ostean, egituraketa juridiko berria
errealitate bat zen: eskualdeko taldeak osatzeaz gain hauen
talde izaera sendotzen joan zen.
Antolaketa berri honek kooperatiben arteko elkartasunean
(enpresen arteko elkartasuna, Lagun Aroren prestazioak,
Euskadiko kutxaren laguntzak...) eta komunitatearekiko
zerbitzuan sakontzea lagundu zuela esan daiteke. Eskualdeko
taldeek barne kohesioa indartu zuten eta garaiko testuinguruak
eskatzen zuen berrantolaketak ekarri zituen koste sozialak
lausotu eta gainditzen laguntzeko tresna izan ziren.
105