Diskurtso kooperatiboak langile-kolektiboan ... - Euskara

Atal teorikoa
Kooperatibismoaren bi logikak
eta honek kooperatiben nolabaiteko desfuntzionalizazioa ekarriko
du.
Ekonomikoki biziraun beharrak taldearen funtzionamenduan hainbat
aldaketa eragiten ditu. Italiako lehendabiziko sozietateak
nahasketa bat ziren: mutuak, kontsumo kooperatibak eta
aisialdirako zirkuluak. Hemendik aurrera kontabilitatea bereiztu
egingo da, departamentu bakoitzaren egoera finantzarioa ezagutu
ahal izateko.
Kudeaketa metodo arrazionalagoak sartuko dira, molde
kapitalistetatik gertuago egon daitezkeen metodoak. Mutuek
kotizazio ezberdinak ezarriko dituzte adinaren arabera, eta
berdintasunaren printzipioa adin-talde bakoitzera mugatuko da.
Lan komunitateetan sendo lan egiten hasiko dira errendimendua
hobetze aldera, horretarako produktibitate sariak emango
dituzte. Jada hasieran zegoen zentzu kolektiboa ez da nahikoa
izango, beste motibazio elementu batzuk sortu beharrean
aurkituko dira. Era berean, esperientziak demostratuko die ezin
dela posizio ekonomikoa sendotu ez bada gehitzen zenbait
organoren boterea: zuzendaritzarena, administrazio
kontseiluarena eta aukeratutako gidariena esate baterako. Talde
guztietan administrazio kontseiluaren boterea gehitu egingo da.
Esan dugun moduan, talde guztietan administrazio kontseiluaren
boterea hasi egingo da, berriro aukeratuak izango dira,
funtzioak pilatuko dituzte eta beraien ekimena estutzen zuten
mugak malgutu egingo dira. Kontrol mekanismoak ahuldu egingo
dira, batzuetan desagertzeraino, erakundearen efikaziaren
mesedetan. Dinamika honen ondorioz, nukleo zentrala indartu
egingo da eta bestelako demokrazia bat agertuko da: demokrazia
delegatua. Administratzaileak espezialista bihurtuko dira eta
taldeak berauen beharrizana izango du. Taldeko kideek ez dute
formaziorik administratzaileen lana kritikatzeko. Gainera,
soldataren abanikoa estua da eta horrek administratzaileak
zaindu beharra dakar, gainontzean beste erakunde batetara alde
egiteko mehatxua presente egongo da. Gauzak horrela talde
askotan administratzaileekiko dependentzia garatzen da.
Soldaten tartea estuegia da kanpotik gazte espezializatuak
erakartzeko, eta zabalegia barruko gatazkak saihesteko. Modu
honetan, batez ere espezialisten agerpena dela eta, soldata
berdintasun printzipioak malgutu egiten dira eta kalifikazio
bakoitzaren araberako ordainketa sistema nagusituko da.
Jarduera ekonomikotik haratagoko zereginetan asanblada orokorrak
aginduko du oraindik. Baina jarduera hauek gutxinaka baztertuak
izango dira, edo eta erakunde publikoek (edo bestelako talde
espezializatuek) hartuko dituzte ardura horiek. Lan
komunitateetan jarduera ekonomikoa lehenetsiko da eta jarduera
komunitarioek garrantzia galduko dute. Autoreak dioenez,
33