Diskurtso kooperatiboak langile-kolektiboan ... - Euskara

Hiru dira planteatzen ditugun helburu orokorrak:
A.- Kooperatiba eta kooperatibagintzari buruz dauden
pertzepzio eta diskurtsoak identifikatu eta aztertzea.
Kooperatibaz eta kooperatibagintzaz Fagor Arrasate Kooperatiba
elkartean dauden diskurtsoak polarizatu eta aztertzea da
azterketa enpirikoaren helburu nagusia. Egungo kooperatibistek
kooperatibismoa nola ikusten duten, nola formulatzen duten jakin
nahi dugu. Eta formulazio horretan zenbat ikuspegi desberdin
multzoka ditzakegun, zenbateraino adostuak dauden, diskurtso
kontrajarririk dagoen ala ez.
B.- Belaunaldi ezberdinen diskurtsoen arteko konparaketa.
Belaunaldiaren arabera kooperatibagintzari buruzko diskurtso eta
sentipenak modu esanguratsuan aldatzen diren jakin nahi dugu.
Gazteek nola ikusi eta sentitzen dute kooperatiba? Ba al dago
gazteengan etorkizuneko kooperatibagintzari eusteko gogorik, eta
ze irudikapen egiten dira beronetaz?
C.- Fagor Taldearen gainean duten iritzia zein den aztertzea.
Fagor Taldearen gainean dauden irakurketa, sentipen eta iritziak
identifikatu eta aztertzea ere helburutzat hartu dugu. Izan ere,
berau da Mondragoeko kooperatiba esperientziaren lehen taldea,
eta eskualdeko kooperatiba-taldearen kohesioa eta izateko
arrazoia gai garrantzitsua da gogoeta kooperatiboan. Nola bizi
dute langileek, beren kooperatibaren interesetatik haratago,
eskualdeko taldekatzea, Fagor Taldea? Mondragoeko
esperientziaren ezaugarri den “interkooperazio” hori
(kooperatiba desberdinen arteko atxikimendu libreko elkarlaguntza
eta lotura hori) ze diskurtso eta sentipenetan eusten
da lan-kolektiboan?
Lanaren egitura
Ikerketa lana hiru atal nagusitan banatuko dugu. Alde batetik,
hurbilketa teorikoa, kooperatibagintzan bizi den demokraziateknokrazia
tentsiora eta Arrasateko esperientziaren ekarpenez
idatzi denera arreta ekarriz. Bigarrenik, atal enpirikoa,
azterketa kualitatiboa eta azterketa kuantitatiboa hartzen
dituena. Eta azkenik ondorioen atala.
Atal teorikoa lau kapitulutan bereiziko dugu. Lehenengoan,
kooperatibismoak bizi duen tentsioaz jardungo dugu Albert
Meisterrek egindako lana ezagutuz eta autore ezberdinek AKEren
inguruan egiten dituzten irakurketak laburbilduz. Bigarren
kapituluan, Arrasateko Kooperatiba Esperientziaren oinarri
filosofikoak landuko ditugu Hirugarrenean, Arrasateko
Kooperatiba Esperientziaren ibilbidea aztertuko dugu, etapaz
etapa historian zehar gertatutakoak laburtzen saiatuz.
Bukatzeko, Joseba Azkarragaren lanera hurbilduko gara,
Arrasateko Kooperatiba-esperientziak (AKE) gaur egun bizi duen
zentzu krisiari buruzko diagnostikoa azaldu eta laburtuz.
Azkenik, atal teorikoa borobiltzeko, Fagor Arrasate eta Fagor
19