Diskurtso kooperatiboak langile-kolektiboan ... - Euskara

Atal teorikoa
Arrasateko Kooperatiba Esperientziaren ibilbide historikoa
INGURUMEN-KUDEAKETA ARDURATSUA
Indarrean dauden ISO 14000 ziurtagiri kopurua 45 51 13,3
Indarrean dauden EMAS ziurtagiri kopurua 4 4 -
ETORKIZUNEKO APOSTUA
I+G+b-ra baliabideen %, ITko B.Erantsiarekiko 5,3 4,6 -13,2
MCCn Zentro Teknologikoen kopurua 12 12 -
Iturria: Mondragon Taldeko Urteko Txostena 2007
4.5 Arrasateko Kooperatiba Esperientziaren arrakastaren
gakoak
Egin dugu Arrasateko Kooperatiba Esperientziaren errepaso
historikoa. Dena den, hurrengo orrialdeetan Arrasateko
Esperientziaren arrakastarako gakoak zeintzuk izan diren
azaltzeko ahalegina egingo dugu. Horietako gako batzuk ibilbide
historikoan aurkituko ditugu, beste batzuk aldiz, oinarri
filosofikoei dagokien kapituluan; dena den, hemen berriz
laburbildu eta aztertu ditugu esperientzia esanguratsu honen
klabe edo gakoak zeintzuk izan diren.
Bederatzi gako dira, Lanki Ikertegiak egiten duen irakurketatik
zerrendatzen direnak. Alfonso Gorroñogoitiak berak egindako
zerrenda bat jasotzen du, Azkarraga Etxagibelek bere tesian.
Horra hor hitzez hitz biltzen dituen arrakastarako arrazoiak:
122
a) lehen kooperatibaren arrakasta oinarrizkoa izan zen
ondorengoen garapenaren oinarri izan zelako;
b) Arrakasta, neurri handi batean, espainiar Estatuan
50.hamarkadan bizi zen egoera ekonomikoari zor zaio:
merkatu autarkikoa zen, hau da, kanpoko
konpetentziarentzat itxita zegoen;
c) Arizmendiarrietaren gidaritza irmo eta zuhurra;
d) Kode moral estua garatu zen, langileen aldarrikapen
justuei ondo erantzungo zion enpresa eredua sortzeko;
ildo horretatik, bultzada morala baldintza
teknokratikoak baino garrantzitsuago izatera iritsi zen;
e) Erakunde-arkitektura konplexua eratu da, arau ugariz eta
egitura operatiboz osatuta; gainera, ordenamendu
juridiko zorrotza eta etengabe eguneratzen dena sortu da
(estatutu eta arau egoki batzuk ez dira nahikoak
kooperatiba on bat egiteko, baina estatutu txar batzuk
kooperatiba on bat egitea eragozten dute”,
Gorroñogoitiaren iritzian);
f) Enpresen elkarlanerako tresna eraginkorrak sortu dira
(erantzun komun eta eraginkorrak izateko aukera ematen
duren gainegitura eta erakundeak: Euskadiko Kutxa, Lagun
Aro, unibertsitatea, eskualdeko eta sektorekako
taldekatzeak…);
g) Emaitzen kapitalizazio osoa (ondoko araua betetzen da:
“lan asko egin eta gutxi kontsumitu”, horrela eskubide
komunitarioei lehentasuna emateko);