Diskurtso kooperatiboak langile-kolektiboan ... - Euskara

Atal teorikoa
Kooperatibismoaren bi logikak
lanpetuago omen dago eta gazteak beraien karrera pertsonalean
zentratuta.
Berdintasuna, duintasuna eta ekitatea hasieratik azpimarratu
dira AKEren ibilbidean. Ofizialki kooperatibetako bazkideak
berdinak badira ere, errealitatean hierarkia hautematen da.
Sexuari dagokionean ere ez dago parekidetasunik eta erabakiak
hartzeko boterea eta ezagutza teknikoa gizonen eskuetan
kontzentratzen da.
- Efizientzia, kalitatea eta bezeroarekiko zerbitzua:
Hitz klabe bihurtu dira egungo kooperatibetan, bereziki
bezeroarekiko zerbitzua. EFQM eredua jarraitzen da eta Mondragon
Taldeko estrategian bertako kontzeptu nagusiak agertzen dira:
efizientzia ekonomikoa, bezeroaren asebetetzea eta etengabeko
hobekuntza. Diskurtso mailan autokudeaketa eta kalitate eredu
propio bat garatzeko beharraz hitz egin arren,
berregituraketaren metodo eta kontzeptuak multinazionalen
berdinak direla sarri uste du Arrasateko Kooperatibak aztertu
dituen irakasleak. Tradizioz sortzailea izan den mugimenduan
sormen gabezia dagoela leporatzen dio Korporazioari. Gainera
efizientzian gehiegi zentratzeak , langilearen ongizateaz
ahaztea ekar lezakeela adierazten du, kalitatearen filosofiaren
baitan langilearen dimentsioa galdu egiten delako sarri
ekoizpena hazteko.
George Cheney-k, prozesuaren azterketa eta irakurketa eginda
egungo Arrasateko Esperientzian, aipatutako balore jakin horiek
indartzen ari direla esaten du.
Cheney-k ondorengo kritika jaurtitzen du: Arrasateko
Esperientziak kanpoko kudeaketa ereduak erreproduzitu izan ditu,
barneko tradizioan oinarriturikoak sortu beharrean. Egindako
azterketaren harira, aldaketa nabarmena diagnostikatzen du
erabaki prozesuetan eta kudeaketa zentralizatzeko joeraz
ohartarazi. Era berean, komunikazio burokratikoagoa, eta
akritikoki barneraturiko kudeaketa esloganak ikusten ditu.
Badirudi AKE merkatuak gidaturiko beste enpresa batzuen antza
hartzen diharduela, baina zein da arrazoia? Merkatu globalaren
indarrak eragindako aldaketa baten aurrean gaude edo balore
demokratikoak mantentzeko bide sortzaileak asmatzeko konpromiso
gabezi baten aurrean?
“We don’t have definite answers to these
questions yet,” dio Cheney-k, “but they do serve
to point out the need for vigilance if we are to
continue striving for genuine workplace
democracy”. “What good is having values if you
47