Diskurtso kooperatiboak langile-kolektiboan ... - Euskara

Atal enpirikoa
Emaitza orokorrak
Diskurtso eraikitzailea
Diskurtso honen atzean kokatzen diren kooperatibistak jarrera
kritikoa dute gaur egungo kooperatibagintzarekiko. Baina, aldi
berean, nagusitzen den jarrera eraikitzailea da, kritika
eraikitzailean oinarritzen dira eta etorkizunari ere baikor
begiratzen diote. Kooperatiba, enpresa formula bat baino gehiago
dela uste dute eta kooperatibismoa eredu bezala defendatzen
dute. Dena dela, gaur egun, arlo enpresariala bakarrik lantzen
dela uste dute eta arlo soziala lantzearen beharraz mintzo dira.
Bazkideen ilusioa berreskuratzeko “zerbait” egin beharra dago.
Kooperatibak aurrera egin dezan ardurak hartzeko prest agertzen
dira, erantzukizuna euren gain hartzen dute eta kasu batzuetan
protagonista sentitzen dira.
Kritikoak dira azken hamarkadatan formazio kooperatiboari
dagokionean ezer gutxi egin delako eta ez delako
kooperatibagintzaren pentsamenduaz transmisiorik bermatu.
Fagor Taldea defendatzen dute eta Mondragon Taldearen
norabidearekin kritiko agertzen dira. Euren ustez, Mondragon
Taldeak kooperatibaren arlo soziala lantzen lagundu beharko
luke.
Azter eta bereiz ditzagun jarraian diskurtso eraikitzailearen
baitan aurkitutako hiru azpi-diskurtsoak, taulan baino
xehekiago.
Nostalgikoa
Kooperatibismoaren sorreran lan egin edo lehen hamarkadak
ezagutu zituzten hauentzat kooperatiban lan egitea hautua izan
zen. Gaur egungo kooperatibismoarekin kritikoak dira (ez dute
gaur egungo norabide teknokratikoa konpartitzen), baina
gehiegizko kritikek min egiten diete. Oso kooperatibista
sentitzen dira, garai bateko kooperatibismoa liluraz bizi dute,
idealismo puntu bat antzematen zaie. Baliteke, horregatik
mintzea bai kooperatibak dituen kontraesanekin nola kooperatibak
jasotako kritikekin. Kooperatibismoa sutsu defendatzen dute.
Jarrera baikorra dute, nahiz eta etsipen puntu bat ere izan
dezaketen kooperatibak izan dituen aldaketak galera moduan bizi
dituztelako. Dena den, itxaropentsu agertzen dira. Etsipenaren
diskurtsotik hurbil egon liteke begiratu hau, baina bada
bereizten dituen elementu esanguratsu bat: nostalgiko izendatu
dugunak bere baitan jarrera baikorra du eta kooperatibagintzaren
baliagarritasuna ikusten du. Ildo beretik, etorkizunean
identitate kooperatiboa mantentzea gustatuko litzaioke eta
gazteengan konfiantza dauka. Etsipenean oinarritzen direnek,
aldiz, galera sentimendua dute oinarri, garai bateko
kooperatibagintza dagoeneko existitzen ez dela uste dute, baina
hauentzat ez dago berreskurapenerako tarterik. Ez dago
489