Diskurtso kooperatiboak langile-kolektiboan ... - Euskara

Atal enpirikoa
Eztabaida Taldeen azterketa
3 urte eta ondiñokan, dekot ikasteko gauza pilo bat.
Baina, bueno nik eztaik hori kooperatiban gauza,
detaile bat dan edo...” (ET1;H5)
Gaur egun kooperatiban sartzerako orduan bestelako enpresa baten
lan egiten duzula dirudi, bi- hiru urte behar dituzu “zerbait”
desberdina ikusten hasteko, 1-5 partaideak diozkunez hiru urte
lan egin ostean orain dela gutxi hasi da formazio kooperatiboa
jasotzen. Era berean, oraingoz bereizgarri ikusten duen elementu
bakarra irabazien %0,7arekin langileen artean landutako bi
proiektuetara laguntza bideratzearena da.
“Hasten za lanian ba SA baten moduen. Niaz oin
dala gutxirarte kooperatibako kutsu hori eztot
igarri, holan aurreko zuek eindako kursilluan
(Lankik) da, da oin pixkat emoten dau halako, ba, 0.7
edo ez dakit zenbat erabili biha dan. Guk eindako
benefizixotatik, ba ez dakit bi proiekto
ezberdinetara, ba bat Euskal Herrixan eta beste bat
kanpuan. Hori da ikusten doten gauza bakarra.”
(ET1;H5)
Garai batean sartu zirenek garbi esaten dute kooperatibaren
gainekoak ingurukoengandik ikasi zituztela. Era berean, gaur
egun gazteengan ez dutela orduan eurek zeukaten ilusiorik
ikusten eta horrek autokritikara daramatza. Euren ustez, gaur
egungo belaunaldi gazteekin ez dute jakin konektatzen eta ez
dute asmatu kooperatibagintzaren gaineko transmisioa egiten.
“bueno, neri transmitidu doztiena,
kooperatibismuan gainien transmitidu doztiena, neri
gehixena izen dok nere inguruko jentia. Nere inguruko
jentia eta lanian gabitzen jentia. Lanian gabitzen
jentia. Nik horregatik ezatejuat ez gaiela kapazak
izen, gu guk, gure generaziñua transmitiduteko eta
proiektu bat eukitteko eskuetan. O hak proiektuek
etxuan balixo, ta oin etxok balixo eta ez gittuk izen
kapaz proiektu bat barrixa atateko eta zuei
transmitiduteko.” (ET1;H1)
Orain dela berrogei urte ere danetik ei zegoen. Batzuk
kooperatiba gizartea aldatzeko tresna bezala ikusten zuten eta
beste batzuek aldiz bertan lana zegoelako aukeratu zuten
kooperatiba.
“ez, lana hauelako eta beste lantegi batzuetan
baino kondiziñuak asko hobak jazelako. Irebazi be
gehixau. Askatasun gehixau. Oin, ni sartu nitzanian,
da urtietan ziher…” (ET1;H3)
Garai hartan kooperatibetako baldintzak inguruko enpresetakoak
baino duinagoak ziren soldata eta lan baldintzei zegokionean.
259