Diskurtso kooperatiboak langile-kolektiboan ... - Euskara

Atal teorikoa
Sarrera
Atal teorikoari sarrera
Kooperatibagintzaren inguruko produkzio akademikoan, bereziki
bere bilakaera teknokratikoari buruzko gogoeta interesatu zaigu,
Mondragoeko esperientzia bezalako errealitate handitu eta
‘arrakastatsu’ batean dauden galdegaiei gogoeta unibertsalagoen
begiratua ekartzeko. Kokapen horretatik, batean Arrasateko
Kooperatiba Esperientzian murgilduko gara, bere historiaren
errepaso bat eginez eta beronen oinarrian dagoen Jose Maria
Arizmendiarrietaren pentsamendua laburtu eta aztertuz. Era
berean, Oinarrizko hamar printzipioak azaldu eta aztertuko
ditugu, Mondragoeko kooperatibagintzaren funtsezko eustazpi
ideologikoa formulatzen duten arau multzoa osatzen dutelako.
Hirugarren kapituluan Mondragoeko kooperatiben errealitatearen
diagnostikoa laburbilduko dugu, aitortzen zaizkion desafio eta
erronkak nahiz dauden diskurtsoak agertuz. Azkenik, arreta gure
iker-unitatean jarriko dugu: Fagor Arrasateko Kooperatiba
Elkartea deskribatu eta bere ibilbide historikoa landuko dugu.
Kapitulu honen azken puntuan Fagor Taldeari buruzko argazkia
egingo dugu, berau baita errealitate kooperatibo honen lehen
enpresa-taldea, eta egun ere kooperatiben ‘interkooperazio’ edo
elkar-lotura hori haragiztatzen baitu.
Atal teorikoaren egitura
I. Kapitulua Kooperatibismoaren bi logikak
II. Kapitulua
III. Kapitulua
IV. Kapitulua
AKEren oinarri filosofikoak
AKEren ibilbide historikoa
Fagor Arrasate eta Fagor
Taldea
23