Diskurtso kooperatiboak langile-kolektiboan ... - Euskara

Atal enpirikoa
Lehen hurbilpena
dira eta garaietara moldatzea eta aldaketak onartzea da geratzen
zaigun bakarra.
Aurkako diskurtsoan multzokatu ditugunak berriz botere
harremanetan jartzen dute jomuga. Euren ustez kooperatibaren
gidaritza dutenei ez zaie kooperatibismoa interesatzen.
Jendearen partehartzea ez da interesatzen, lauren artean
gidatzea errazagoa da. Aldatzea nahi izan arren ezin dugu, ez
digute uzten.
Etsipena eta ezintasuna, etsipenaren diskurtsoaren azpian aurki
daitezkeen sentimenduak dira. Bi sentimendu hauek ez ditugu
beste gunetan aurkitu. Bereizgarria den beste elementu bat
erantzukizuna ulertzeko era da. Hauek, erantzukizuna ez dute
euren gain hartzen (itxaropenaren diskurtsokoek ez bezala).
Beste norbaitengan delegatzen dituzte ardura eta gidaritzak. Ez
dute protagonista izateko beharrik sentitzen.
Aurkako diskurtsoak berezko duen sentimenduak, haserrea du
oinarri. Historian zehar eta batez ere gaur egun
kooperatibagintzak bizi dituen kontraesan eta inkoherentziekiko
haserrea da diskurtso honen atzean aurkitu dezakeguna. Hortik,
haserretik jarrera ezkorra gorpuzten da. Aldarrikapen hutsean
geratzen den jarrera ezkorra. Kritikatik abiatu arren ezkortasun
horretan gelditzen den alternatiba bariko diskurtsoa.
Itxaropenaren diskurtsoak eta aurkakoak, etsipenaren eta
itxaropenak konpartitzen dutena baino gehiago konpartitzen
dutela esan genezake. Biak, kritikatik abiatzen dira, aldea edo
desberdintasuna kritika motan dago. Itxaropenaren diskurtsoak
kritika eraikitzailea egiten du, aurkakoa deitu dugunak aldiz,
proposamen eraikitzailerik gabeko kritika, salaketan
oinarritutako kritika.
Bi diskurtsoen sakonean kooperatibagintzarekiko kezka dago.
Arduratik bizi dute kooperatiba eta kooperatibagintzaren
etorkizuna. Era berean, lider sozialak formatzeko beharra
ikusten dute. Sasoi batean kooperatiba batzutan presidenteak
betetzen zuen figura berreskuratzeko batzuek, beste batzuek
berriz ardatz etiko soziala garatu eta kooperatibak barrutik
elikatzeko (liderrak formula biderkatzaile bilakatzeko).
Itxaropenaren diskurtsoak eta etsipenaren diskurtsoa deiturikoak
pragmatismoa da konpartitzen dutena. Enpresak errentagarri izan
behar du bizirauteko, lana sortu eta inbertsioak egiteko.
Horretarako enpresa arloan gauzak ondo egin behar dira. Enpresa
egiten esperientzia arrakastatsua da gaur egungo AKE ere.
Diskurtso itxaropentsua maneiatzen dutenek enpresa arloaren
garapena arlo sozialaren ezinbesteko baldintza gisa ikusten
dute. Enpresa arloan gauzak ondo egin ezean ez dago alderdi
soziala garatzerik. Etsipenaren diskurtsoak aldiz ez du uste
arlo soziala lantzeko tarterik eskaintzen duenik gaur egungo
251