Diskurtso kooperatiboak langile-kolektiboan ... - Euskara

Atal teorikoa
Fagor Arrasate eta Fagor Taldea
Eskolak eskaintzen zizkien fruituak, eurek emandako laguntza
baino handiagoak zirela uste zuten.
1.3 Ularco-ren sorrera
1964an jazotako gertaera garrantzitsuena garaiko kooperatibak
Ularco izenpean bildu zirenekoa da. Gaur egunera arte (Fagor
Taldea) iraun duten lankidetza lokarriak sortu ziren euren
artean, kooperatiben arteko langile aldaketak, emaitzen
konpentsazioa, jakintza trukaketa eta abar burutzeko aukera
eskaintzen zien horrek. Kapitulu honetan zehar eta hemendik
aurrera nabariak izango dira lankidetza horren emaitzak.
1.4 Tailer izatetik erreferentziako makina ekoizle izatera
1965eko lehenengo seihilabetekoan ere 64an hasitako jaitsiera
mantendu zen, baina bigarren erdialdean etxe tresna elektriko
eta automobilen sektoreetan gertatutako modernizazioaren
ondorioz gora egin zuen makinaren negozioak. Makina mota asko
eta berriak ekoizten zituzten TACIn eta bertako teknikoek
berrikuntza garrantzitsuak aplikatzen hasi ziren euren
makinetan. Prozesua luzea bazen ere bide onetik zihoan.
Arrasateren azpiegitura modernoak bezeroak konbentzitzen zituen
eta beren makinei bermea ematen. Bulego tekniko aurreratua,
diseinu dotorea, kontrol laborategia, saldu osteko zerbitzu
onak, eta batez ere, bertako langileen lan eta izerdiak enpresa
arrakastatsu bilakatu zuten TACI.
Lau urtetan zehar xafla deformatzeko makina ekoizle bezala
Espainiar estatuko handiena izan zen, bere eskaintza zabalari
esker. Ordurako 185 bazkide inguruko kooperatiba zen, eta atzean
gelditu zen aurreko tailer txiki hura.
Baina emaitza onak ez ziren enpresa arlokoak bakarrik, beste
arlo batzuk ere landu zituzten, 1965eko memorian jasotzen denez:
“con alegría y plena satisfacción
hacemos constar los buenos resultados
obtenidos en las más diversas facetas:
normas laborales, Reglamentación,
administración, reconversión remanentes,
y un largo etc. (...) proponernos
firmemente alcanzar el grado de
solidaridad imprescindible para que su
desarrollo adquiera la eficacia que
deseamos.” (1965 Memoria)
160