Diskurtso kooperatiboak langile-kolektiboan ... - Euskara

Atal enpirikoa
Emaitza orokorrak
iritziz formula kooperatiboa(%54 ados eta %39a erabat ados
agertu dira).
Azterketa kualitatiboan kooperatibak zertan bereizten diren
galdetuta, hauek izan dira jasotako erantzunak: aberastasuna
banatzea, lanerako eskaintzen duen segurtasuna, etekin
enpresariala baino zerbait gehiago bilatzen dela, edo eta
lanpostuak sortzeko bokazioa dutela kooperatibek.
Horri atal kuantitatiboan neurtutako emaitzak gehitzen
badizkiogu zera ondorioztatuko dugu, kooperatiban lan egitea
hobesteko arrazoi sendoak direla ondorengoak:
- Inguruko gizarte ekimenak diruz laguntzea(%72a ados agertu
da).
- Ingurunean lanpostuak sortu eta aberastasun ekonomikoa
banatzen dituela (%85 ados edo erabat ados agertu da).
- Kooperatiban lan egiteko beste motibazio elementu bat da
lan munduan euskara bultzatzen duela. %72arentzat euskara
bultzatzen duelako merezi du Fagor Arrasate moduko
kooperatiba baten lanean jarduteak. Elementu honekiko
gazteak agertu dira baikorren.
Era berean, Fagor Arrasateko kolektiboak gaur egun bertan lan
egiteko dituen motibazioak ezagutu eta aztertu nahi izan ditugu.
Datuak aztertu ostean, orokorrean, esan dezakegu motibazio
pertsonalak motibazio kolektiboak baino inportanteagoak direla
Fagor Arrasateko langileen artean. Galdetutakoen artetik
gehiengoak garrantzia altuagoa aitortu dio motibazio
pertsonalen zakuan kokatu ditugun motibazio elementuei (soldata,
lanpostu segurua eta garapen pertsonalerako aukera).
Motibazio sozialei dagokionean, ikusi dugu belaunaldi
berrientzat ez direla hain garrantzitsuak.
Motibazioen ataleko emaitzak ikusirik, egia da Fagor Arrasaten
ere plano pertsonalari dagozkion motibazio elementuak
indartsuago daudela motibazio sozialak baino; baina, hala ere,
motibazio sozialen maila apalagoa bada ere, garrantzi-maila
altua dute hauek ere.
Motibazio sozialak bizirik mantendu ahal izateko ezinbesteko
ikusten dute baloreetan sakondu eta kooperatibagintza
eraberritzea. Soldata baten truke lan egiten da kooperatiban
ere, baina beste “zerbait” ere bilatzen dela aitortu dute
gehienek. Horretan asmatu beharra dagoela entzun dugu eztabaida
taldeetan, zerbait hori ondo egin eta elikatzen. Era berean,
arlo soziala lantzea ezinbestekoa dela ere aipatu dute.
493