Diskurtso kooperatiboak langile-kolektiboan ... - Euskara

Atal teorikoa
Fagor Arrasate eta Fagor Taldea
1.2 Irabazien bilakaera azken urteetan: 2003-2008
Irabaziei dagokionean ere azken urte hauek irabazi urteak izan
direla esan dezakegu. 2003an 189 mila euro irabazi zituen
Arrasatek eta 2005ean 2.575 mila euro. Azken urtean berriz,
2008an ez dira aurreikuspenak bete eta 400 mila euro irabazi
dira. Aurtengorako aurreikuspenak berriz ez galdu eta ez
irabaztekoak dira, parra egitekoak.
Salmentei dagokionean ere historian gehien saldu izan dituzten
urteak izan dira hauek. 2008an salmenta errekorra egin zen: 183
milioi euro salduz. 2004an aldiz, 95 milioi euro saldu ziren.
Irabaziak
(milaka
eurotan)
2003 2004 2005 2006 2007 2008
189 2.575 5.524 4.100 900 400
Iturria: Fagor Arrasateko Batzar Nagusietako itxiera txostenak
1.3 Gameiren erosketa eta San Andresko plantaren handitzea
Azken urte hauetako Fagor Arrasate Kooperatiba Elkartearen
produkzio beharrei aurre egiteko hainbat erabaki hartu behar
izan dituzte. 2006 urtean Gamei enpresa erosi zuen Arrasatek eta
bertako 35 langileak bere gain hartu. Enpresa hau Arrasateko
Musakola auzoan kokatuta zegoen eta ixteko zorian zegoenez
Arrasateko bazkideek Batzar Nagusian onartu zuten beronen
erosketa. Gaur egun, bertan, zerbitzu teknikoa kokatzen da
(FAST) eta Fagor Arrasateren laugarren negozioa da. Juridikoki
ez da kooperatiba, SA moduan eratzen da. Dena den, etorkizunean
bertako langileak kooperatibizazio prozesu baten bidez
kooperatibako bazkide egiteko asmoa dute Fagor Arrasaten.
144