Diskurtso kooperatiboak langile-kolektiboan ... - Euskara

Atal teorikoa
Hirugarren aroa:1990tik aurrera
pasatu zen. Antolakuntza proiektu berri honen oinarri edo
helburuak ondokoak ziren:
- Kooperatiba taldearen Korporazio-zentroak enpresa
gidaritzan eskumen gehiago izatea, zentralizazioa.
- Printzipio Orokorrak eta Balio korporatiboak.
- Sektorearen araberako antolakuntza-egitura.
- Batera kudeaturiko (diruz eta gizarte-ekintzaz)
baltzuak: Kooperatiben arteko elkar-laguntzarako Baltzu
Zentrala eta Kooperatiben arteko elkar-laguntzarako
Hezkuntza eta Sustapen Baltzua.
3.1 Zentralizazioa
1991az geroztik Arrasateko Kooperatiba Esperientziak Korporazio
forma hartu du, eta esan dezakegu Korporazioa zerbitzu zentro
modura ulertzen dela. Modu horretan, Korporazioa ez da
kooperatiben jabea. Kooperatibak eurak dira, sortutako
gainontzeko egiturekin batera, Mondragon Corporacion Cooperativa
(MCC) osatuko dutenak.
1993an MCCren Enpresa-Politika onartu zen, eta horren bidez
ezarri ziren guztientzako marko globala osatuko duten Politika
Orokorrak.Politika Orokor horren barruan 1994-1996 urteetan
lehendabiziko Plan Estrategiko Korporatiboa diseinatu zen.
Bertan finkatu ziren estrategiak eta Oinarrizko Helburuak:
- Bezeroen asebetetzea
- Errentagarritasuna
- Nazioarteratzea
- Garapena
- Gizarte inplikazioa
MCC-k bere Gestio Eredu propioa ere sortua du, bi iturri nagusi
omen dituena: batetik, bere historian presente egon diren balore
eta printzipioak; eta bestetik, management modernoa eta enpresa
aurreratuenen puntako esperientziak. Gestio Eredu horren
ezaugarri nagusietako bat ondokoa litzateke: emaitzen atalean ez
ditu soilik emaitza ekonomikoa kontutan hartzen, emaitza
ekonomikoekin batera bezeroen asebetzea, inguruarekin
konpromezua eta pertsonen asebetetzea ere kontutan hartuko ditu.
109