Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
5.5 Gainegiturak
Mondragon Taldeari eta Fagor Taldeari buruz oso pertzeptzio,
sentimen eta iritzi ezberdinak jaso ditugu. Mondragon Taldea
urrin sentitzen da, ez dira oso ondo bere funtzioak ezagutu eta
ulertzen, mesfidantza puntu bat ere sumatu dugu zenbaitzungan.
Mondragon Taldeak, arlo enpresariala lantzeaz gain, arlo soziala
lantzen eta horretan pentsatzen lagunduko beharko lukeela uste
dute. Mondragon Taldea laguntzeko tresna izan beharko
litzatekeela aldarrikatu dute, badirudi oraingoz ez dutela
horrela denik sentitzen.
Aldiz, Fagor Taldea desberdin bizi dute. Ezinbesteko tresnatzat
dute, interkooperazio sistema da bereziki baloratzen dutena.
Dena den, Fagor Taldea gaur egun oso baliagarri ikusten dute eta
badira batzuk Mondragon Taldearen barruan Fagor Taldea
indartzearen alde agertu direnak ere. Mondragon Taldearekiko
baino identifikazio maila altuagoa dago Fagor Taldearekiko.
Identifikazio hau altuagoa da oraindik beteranoen kasuan,
gazteek Fagor Taldea ondo ikusten dute baina ez die sentimendu
berezirik sortarazten.
5.6 Etorkizunaz
Etorkizunean gutxienez identitate kooperatiboa mantentzea
gustatu litzaike gehientsuenei. Ez da lan erraza izango, izan
ere, gaur egungo testuinguru sozialak ez ei du askorik
laguntzen. Arlo ekonomikoan aurrera egiteko modua ikusten dute,
kezka eragiten diena kooperatibaren arlo soziala da. Arlo
soziala indartzeko zer egin daitekeen jakin nahi izan dugu eta
lehen urratsa kolektiboari formazioa eskaini beharko litzaiokela
erantzun dute.
5.7 Etorkizuneko zentzu elementu bila
Etorkizuneko zentzu elementuak zeintzuk izan daitezkeen jakin
nahi izan dugu. Ez dugu formula zehatz eta aplikazio
praktikorako balioko luketen elementurik aurkitu. Ideia orokor
batzuk besterik ez ditugu aurkitu, etorkizunerako ibilbidearen
nondik norakoak markatzen lagundu dezaketen ideia orokorrak.
Elementu hauek aipatu dituzte gure eztabaida taldeetako
partaideek:
318
- Diferentzia lantzearen garrantzia.
Kooperatibismoaren gaineko ikuspegi baikor bat
izateko ezinbesteko ikusten dute “zerbait”
desberdina aportatzen duzula sentitzea.
- Demokrazian sakontzea. Diferentzia parte izatean
legoke, kooperatibako bazkideak partaide diren
heinean erabaki ahalmena eta jabetza eskubideak