Diskurtso kooperatiboak langile-kolektiboan ... - Euskara

Atal enpirikoa
Lehen hurbilpena
Arrasateren autonomia
Partehartze instituzionalari dagokionean beharrezkoa da,
kooperatiba bakoitzak gainegiturekiko euren autonomia,
erabakimena eta subirotasuna mantendu eta indartzea.
Subirotasunaren kontzeptua da esperantzarako giltzarria. Hori
mantenduta, beti dago aldaketa, hausnarketa eta zentzua
bilatzeko aukera. Proposamen egokiak eta ekimen pertinenteak
abian jarrita, “dana” berbideratzeko aukera bizirik dago. Kultur
ahori garatzean dago gakoa.
“MCC teknoegitura da, baina benetako
kooperatibismoa Arrasaten egin behar da.”
(Azaroak 5)
MCC-ren indar eta boterearen aurrean Arrasateren autonomia
aldarrikatzen du behin da berriz diskurtso honek. MCC, Arrasate
(eta beste kooperatibak) zerbitzatzeko sortu zen, arlo teknikoa
erraztu eta indar eta sinergiak biltzeko. Halere, beste
diskurtso batzuen arabera, koorporazioaren sorrerak kooperatiben
autonomia galtzea ekarri du. Itxaropenaren diskurtsoa deitu
diogun honek aldiz, kooperatiban bertan egiten dela, eta egin
beharko litzatekeela, benetako kooperatibismoa aldarrikatzen du.
AKE-ren lehen hamarkadatan Arizmendiarrietak garatutako
pentsamendua izan beharko luke MCCk bere egitekoen oinarrian.
Ideologikoki asko ahuldu da azken bi hamarkada hauetan
kooperatibagintza, alternatiba bat Arizmendiarrietaren
pentsamendutik edatea izan daiteke.
Aurrera begiratu
“MCC-k Arizmendiarrietaren pentsamendua izan
beharko luke” (abenduak 17)
Aldaketarako gogoa sumatzen da, jendearen aldetik gauzak hobeto
egiteko nahia dago. Kooperatibagintza berritzeko eta ilusioa
pizteko gogoa. Kontraesanak gainditu eta kooperatibismo gaurkotu
bat eraikitzeko.
“Zaharren aldetik konpromisoa, oztoporik ez
jarri. Aldaketak onartu eta zabalik egon. Hemen
aldatu nahi dala esan behar dugu, jendea serio
dihoala.” (maiatzak 20)
Gazteek ere euren gaztetasuna aldarrikatzen dute. Gauzak egiteko
gogo eta ilusioa badutela baina kooperatiba eta kooperatibismo
garatu batekin topo egin dute, ulertzen eta aldatzen zaila den
kultura jakin batekin.
“Gazteok ilusio iguala daukagu. Baina fabrika
guztiz hoztuta aurkitu dugula esango nuke”
(Apirilak 22)
243