Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
Askatasun gehiago zegoela ere azpimarratzen dute, Arrasaten
zeuden bestelako enpresek baino lan giro atseginagoa zegoela eta
disziplina arauak ere malguagoak zirela kooperatibetan uste dute
batzuek.
Bada, ikuspuntu positiboagorik. Oraindik orain, eta gaztea izan
arren, kooperatiba desberdin ikusi eta sentitzen duenik. 4-2
partaide gaztearentzat desberdinak dira oso kooperatibak eta
sozietate anonimoak. Ez litzateke kooperatiba ez den enpresa
batean lanean jardungo.
“bai, niretako bai. Ni lanien, ni enitzen juango
seguramente lanera nahiz da diru gehixau eskaini.”
(ET4;H2)
Zergatik lan egin kooperatiban? Zergatik geratu
kooperatibarekin? Galdera horren aurrrean hainbat argudio bota
dizkigu gazteak. Batetik, enpresa munduan ibiltzeko modu
justuago bat eskaintzen du kooperatibak. Bestetik,
norberarendako ere segurtasun gehiago eskaintzen duelako. Krisi
garaietan aurrera egitea ere errazago ikusten du, batez ere
Arrasateko Kooperatibek euren ibilbidean garatutako elkartasun
mekanismoei esker. Eta azken finean, eredu justuagoa begitantzen
zaio, enpresa eredu justuago bat.
“Alde batetik, iruditzen jatelako enpresa
munduan ibiltzeko beste modu justuago bat alde
bateattik, ta gero beste batetik ba segurtasun
gehixau emuten dabelako kooperatiba batek askotan. Ba
bai sozio zarenian ia, fijo zauzelako edo edozein
krisin aurrian ba bebai kooperatibak salbetia
errazaua dalako darelako elkartasun mekanismuak
kooperatiba desberdinen artian eta bueno. Eta
iruditzen jatelako eredu justuagua dala, enpresa
eredu justuagoa.” (ET4;H2)
Azaldu dugu aurreko orrietan zergatik zen sasoi batean
garrantzitsua kooperatibista izatea, eta gaur egun zergatik da
garrantzitsua kooperatibista izatea? Gazte honentzat
garrantzitsua dena kooperatibo izatea da. Azken batean
kooperatiba denena delako eta kooperatibistengan dagoelako
erabaki ahalmena eta ez beste inorengan. Aldaketarako eskumena
ere bazkideena da eta horrek egiten du kooperatiba ezberdin eta
baliozko. Gizartea hobetzeko bide bat ere bada bere iritziz,
kooperatiban balore batzuk landuz gero balore horiek gizartean
hedatzeko ahalegina egin daiteke.
“Neretako inportantea da kooperatibo izatea.
Zergatik? Ba azkenen hau ez da… hau gurea da. Ni SA
baten ez det lan ein baino badauket jendea SA baten
lanean dabilena. Eta ni patroi batentzako lanen
nabilenen patroiak esango dit ze ein bihar deten eta
260