Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
Gazteek helduagoengandik entzuten dituztenek ere eragina dute
hauen imaginarioan. 4-2 partaide gazteak entzundakotik hitz
egiten du. Sarri entzuten ei da Mondragon Taldea eta horrelako
egitura asko sortzeak erabakiguneak urrun sentitzea ekarri
zuela. Sentimendu horrek, hau da, erabakiak hartuta etortzen
direnaren sensazioak frustatu egiten dituela uste du. Badirudi,
sortzaile edo bidegile izan zirenak ez direla jada protagonista
sentitzen; bada, nola sentituko dira gazteagoak?
“Sortu dia estruktura asko, MCC ta abar eta
azkenien erabakixak ba hartzen diala hor nunbaitten;
irabaki inportantiak ta zuri ailegatzen zatzuzela ia
ba hartute praktikamente. Erabakitte azkenien. Galdu
dala, lehen erabakixak hartzeko gune horrek askoz
hurbilau zeudela orain baino. Eta horrek ba askoi
frustau eitten dittu. Dana dator einda.” (ET4;H2)
4.2.7 Merkatuaren exigentziei men egin behar diegu?
Bada goiko irakurketa zorrotzari beste begi batzuekin begiratzen
dionik ere. Merkatuan lehiatzeko kooperatibak sistema
kapitalistara moldatu behar dira. Enpresa izaten jarraitzeko
merkatuak agintzen duela onartzea kooperatiba eredua baliogarria
ez dela onartzea da. Balioak lagungarri eta motibazio-iturri
izatetik efikazia oztopatzera pasa ote dira?
Kooperatibak ez badu saltzen eta azken finean dirua irabazten
enpresek ezingo dute aurrera egin. Idealena bien arteko oreka
bat lortzea dela diosku 1-5 partaideak, baina ez dauka formula
magikorik. Argi daukana aurrera egitekotan arlo enpresariala
indartsu eduki eta merkatuan lehiakor izatea ezinbesteko
baldintzak direla.
“sistema kapitalista txarraua dala seguru. Lo ke
pasa ke, baina, azkenian gure inguruan dauena dana
kapitalismua bada. Ez bohu salten, eta ez bohu dirua
eitten, alde batetik, gero enpresa kooperatibak be
ezin dabie aurrera jo. Orduen, bixen arteko holako
zera bat lortu biko zan. Holako batazbesteko bat.
Hori lortia.. hori ez dakit nola lortu leiken. Baina
azkenien, esan nahi dot, hor be presixuak dauz,
labadorak ez badie salten ba, eztie salten. Ta postu
horrek galdu ein bidiez. Orduan hori be ikusi ein
bida. Nola ein leiken? Ba ez dakit”. (ET1;H5)
Sistemak inposatzen duelako egiten badira hainbat eta hainbat
ekintza kontraesankor, horrek sistema kapitalistan iraun eta
lehiatzeko beste enpresen moduan jokatzera badaramatza
Arrasateko kooperatibak, horrek zera esan nahiko luke: sistema
bera beharrezkoa dela eta gainera kooperatibek ezin dituztela
274