Diskurtso kooperatiboak langile-kolektiboan ... - Euskara

Atal enpirikoa
Emaitza orokorrak
sumatu. Gazteen artetik ere %70 inguru organoetan parte hartzeko
prest agertu da.
1.1.4 Fagor Taldeaz
3. Helburua: Fagor Taldearen gainean langileek duten iritzia
zein den aztertzea.
Fagor Taldearen inguruan sentipen ezberdinak aurkitu ditugu
azterketa kualitatiboan. Diskurtso guztiek bat egiten dute Fagor
Taldearen aurrean iritzi positibo bat edukitzerako orduan. Dena
den, batzuek modu oso berezian bizi dute Fagor Taldea
(nostalgikoek, aurkakoek eta etsituek esate baterako). Horren
harira, atal kualitatiboan Fagor Arrasate Fagor Taldean egotea
nola eta zergatik defendatzen den jakin nahi izan dugu.
Fagor Arrasate Fagor Taldean egotea “beti” edo “ia beti”
defendatzen du galdetutakoen artetik %63ak. Batzuetan bakarrik
defendatzen du %26,2ak. 51-65 adin tartekoen gehiengoak
(%82ak) beti edo ia beti defendatzen du Fagor Arrasate Fagor
Taldean egotea. Eta gure susmoak baieztatuz, beste bi adin
tarteetan gehiengoak apalagoak dira. Heren batek batzuetan
bakarrik defendatzen du Arrasate Fagor Taldean egotea.
Fagor Taldeko kide “beti” sentitzen da %43a eta “ia beti” %24a,
“batzuetan” %14 eta beste %14a “gutxitan”; “inoiz ez” %3,6a.
Kasu honetan ere, helduenen sentimendua indartsuagoa dela esan
dezakegu (51-65): %90a “beti” edo “ia beti” sentitzen da Fagor
Taldeko kide.
Mondragon Taldeko kide sentitzearen datuak oso desberdinak dira.
%18a “beti” sentitzen da MCCko kide eta “ia beti” %20a.
“Batzuetan” %23a eta “gutxitan” %26,5a. “Inoiz ez” %12a. Hemen
ere helduenen artean aurkitu dugu datu baikorrena: %67a beti edo
ia beti sentitzen da MCCko kide. Halere, MCCrekiko atxikimendu
maila Fagor Taldearekikoa baino apalagoa da, baita belaunaldi
honetan ere.
Gazteen atxikimendu maila txikia da, eurek erakutsi dute
mailarik txikiena: %27,3a “inoiz ez” da MCCko kide sentitzen;
%22,7a “gutxitan”; %27,3a “batzuetan” eta %18 “beti” edo “ia
beti”. Eta erdiko adin tartean gehiengoa “gutxitan” sentitzen da
MCCko kide, %39,4; “batzuetan”, %24,2a, eta “ia beti” edo “beti”
%27,3a.
Fagor Taldeak duen izaeraren inguruan, enplegua sortzeko duen
bokazioa mantendu beharko luke. Fagor taldeak historian zehar
enpleguak sortu eta mantentzearen aldeko bokazioa izan du. Fagor
Arrasateko kolektiboan, gehiengoaren iritziz, bokazio hori
mantendu beharreko elementua da (%54a ados agertu da eta %39a
erabat ados).
500