Diskurtso kooperatiboak langile-kolektiboan ... - Euskara

Atal teorikoa
Fagor Arrasateren ibilbide historikoa
1996-2002
Bestalde, Etengabeko Hobekuntza filosofiatzat duen MCC-ko
Kudeaketa Eredua aplikatzeari pausoz pauso ekin zitzaion. Bost
puntu nagusitan oinarritzen da kudeaketa eredu hau:
1. Bezeroa asebetetzea
2. Errentagarritasuna
3. Internazionalizazioa
4. Garapena
5. Inplikazio soziala
Urteko gestio plana egiteaz bat helburu estrategikoak
departamentuko helburuetan banatzen dira. Honek lanaren zentzua
eta helburua zein den argiago ikusten laguntzen omen du.
Horrela, helburuak ezagututa, inplikazioa lortzea ere errazagoa
izaten da.
“Hemen denentzako daude objetiboak eta
inportantia dana da helburuak zabaltzea
eta fabrikan bakoitzak daukazen objetiboak
jakitea eta asumitzea.” (Luis Unzueta)
2. Ordura arteko urte oparoenak: 1997-2001
Urte hauetan helburuak urtez urte betetzen joan dira eta datuek
gora egin dute, emaitzak asko hobetu direnez inbertsioek, lanak
eta ondorioz langile kopuruak ere gora egin dute. Erosketek ere
garrantzi handiagoa hartu dute: ekoizten denaren %70 erosten da,
eta beraz, erosketen kudeaketak berebiziko garrantzia du marjin
gordinean.
2.1. Inbertsioak
Beharrei buruzko azterketa sakon bat egina zegoen aurreko
urteetatik, baina ordura arte inbertsioen iturria itxita egon
zenez, ez zen kontuan izan. Ekoizpen igoerari aurre egiteko
baliabide produktiboetan inbertitu beharra zegoen, nahi eta nahi
ez. Prentsetako makinen tamaina asko handitu zen azken urteetan
eta pabiloian ez ziren sartzen, garabiak ere tonelaje txikikoak
ziren eta fosoa ere handitu beharra zegoen. Proiektu hauek 97tik
aurrera gauzatu ziren.
“Estos resultados nos animan y nos refuerzan para
seguir apostando por nuestro proyecto de crecimiento
en Fagor Arrasate”... “proyectamos la incorporación y
reforzamiento de más personas cualificadas y la
ampliación continua de nuestros medios de fabricación
e internacionalización, con inversiones programadas
superiores a los 800 millones en el año 2000.”
(1999ko Memoria)
Aspaldian egindako inbertsiorik handiena 2000.ean Markinan
eraikitako pabilioi berria izan zen. Bertan ekoizten ziren
191