Diskurtso kooperatiboak langile-kolektiboan ... - Euskara

Atal teorikoa
Oinarrizko hamar printzipio kooperatiboak
“Besteak beste bi partehartze dimentsioen
arteko hutsune zabalaren emaitza izan litezke
ikuspegi sozial batetik egun kooperatibek
dituzten hainbat disfuntzio:
teknokratizazioranzko joera, esate baterako.” 39
6. Ordainsarien inguruko solidaritatea
Arrasateko Kooperatiba Esperientziak, ordainketa nahikoa eta
solidarioa du bere gestioaren oinarrizko printzipiotzat.
Ordainketa-modu horrek etengabeko sustapen sozial kolektiboa du
oinarri, eta honako ezaugarri hauek ditu:
a) nahikoa, kooperatibaren benetako ahalbideekin bat datorrena.
b) Solidarioa, hau da:
Barneari begira, lana ordaintzeko irizpide
solidarioak egotea.
Kanpoari begira, kooperatibaren sektoreko eta,
kasua bada, lurralde-eremuko enpresetako langileek
dutenarekiko parekagarria izatea, baldin eta
aipatutako inguru horietako soldata-politika
murritza ez bada.
MCCn lan-marko solidarioa egotea bertako
kooperatiba guztientzat, bai lanaren ordainketari
bai urteko lan-ordutegiari dagokionez.
Ordainsarien inguruko elkartasuna dugu Arrasateko Kooperatiba
Esperientziaren baitako seigarren printzipioa. Lehenik eta
behin, soldata nahikoa izango dela aipatzen da, hau da,
bizitzeko beharrezko soldata. Baina zer da “nahikoa”? gaur
egungo gizartean egunero sortzen ditugu beharrizanak.
Printzipioen lehen formulazioan beharrizanak objetiboki aztertu
ondorengo nahikotasuna izaten ei zen.
“en su formulación “suficiente” queria decir
suficiente para satisfacer un sistema de
necesidades objetivado.” 40
Ezaugarrien artean nahikoa, kooperatibaren benetako ahalbideekin
bat datorrena dela diosku.
Bigarrenik, soldatak solidarioa izan behar duela dio. Bigarren
ezaugarri honek aurrekoak baino eztabaida gehiago pizten du
kooperatibisten artean. Soldatak solidarioak izan behar dute.
Solidarioak bi norabidetan; alde batetik, barrura begira
berdintasun printzipio batean oinarritu beharko dira. Eta beste
aldetik, kanpora begira ere koherentzia bat izan beharko dute.
Merkatuaren baitako soldatak kontuan izan beharko dira eta baita
39 Garcia, O. op.cit. 226.or.
40 Altuna, Larraitz: La Experiencia Cooperativa de Mondragon. 2008. Lanki.
277.or.
77