Diskurtso kooperatiboak langile-kolektiboan ... - Euskara

Atal enpirikoa
Eztabaida Taldeen azterketa
inporta haik gorabeherok. Eztauko hortan
konpromisorik eta ilusiñua gutxiau, ilusiñua bakarrik
hilan bosta ailegetako. Eta hori eztoun apurtzen
bittartian ba gure proiektua jungo da txarraura.
Negoziua igual hobeto jungo da, igual izengo ga
bueno, eztakit zer baina ez gabiz negoziuai buruz
gabiz gure kooperatibismuan buruz.”(ET1;H1)
Oparia kenduz gero, jende askoren asistentzia jeitsiko
litzateke, eta hori benetan tristea litzateke.
“eta horrek esan dauena ardauana. Ardaua kendu
ezkero jente mordo bat gutxiau jungo litzake. Eta
hori be tristia da pentsetan jarri ezkero.” (ET1;H3)
1-6 partaidearen ustez gaizki egiten dutenak oparia ematen
dutenak dira. Zergatik ematen da oparia asanbladara joateagatik?
Opari baten beharra baldin badago, hori zerbaitek huts egiten
duenaren adierazlea da.
“ez dana normala da asanbleara joateagatik
erregalo bat eittia ez? Hori ikusten dozu eta esaten
dozu hemen zeozek failetan dau. Zeoze pasetan da ez?”
(ET1;H6)
1-3 partaidearen iritzixz zuzendaritzak asistentzia bermatzeko
asmatutako tresna da opariarena. Logika horren barruan, inor ez
juatea baino hobe da bazkideak oparia jasotzeagatik joatea.
“azkenian, direkziñua be derrigortuta sentitzen
da horixe eittera. Jentia juan dein. Hoba da,
erregalotxo bat emon eta jendia juan deila ez jutia
baino. Ezta soluziño on bat eta argi bat baina…
zelabaittekua emon ein bihar…” (ET1;H3)
4.4.3 Molde kapitalistetara hurbilduz
Lanpostuko partehartzeari dagokionean, 1-1 partaidearen
esperientziari lotuta, sasoi batean langileek erabakitzen ei
zuten lan-leku batzuetan zein izango zen lan taldeko lider edo
arduraduna. Arlo horretan atzera egin ei dute eta enpresa
kapitalistetan egiten den modu berean izendatzen dira
arduradunak.
“horri buruz, hori dok beste puntu bat, ba, hor
zabaldu dana. Ni gogoratzen nok elektrodomestikuetan,
ni nabilan sesiño baten, eta han ba bueno, lehen
zauan jefia juan eitte zuan, eta jatorran beste bat,
beste responsable bat, beste lider bat. Ba ha
liderra, jo, gure artien ipingaixuan baina danok ados
egonda. Ei, ba hi hemen zein ipiniko juau, ei ba
horrek erungauk hau ondo. Baina hori hemen ia eztok,
hori dana galdu ein dok. Galdu dok dana, lehen esan
douen kooperatiba proiektu hortan ia etxak ezer
295