Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
“Azkenien kooperatiban sartu naz, gustaten jata,
baina ez, nik ez dekot ideia hori, kooperatibia oso
oso ezberdina danik beste enpresetatik. Gero eukingo
dauz bere gauzak baina osa, barruan zauzen arte eta
ikusteozu pixkanaka ba nola dauzen gauzak; hasieran,
leheneko urtien ez notxan inolako aldeik ikusten eta
oin pixkana ba ….Holan arrazoi sozialekin da, pixkat
ikusteozu benetan ba beste zeozer dauela ez. Baina
hasieran ez dozu ikusten eta bueno, eskolako
esperientzixia, eskolia be kooperatibia da. Suposetan
da. Baina guk ikasi ginenien hor ordaindu biginun
Opusa izengo bazan moduen. Orduen ba, kooperatiban
ideia hori ba... igual pixkat gaztien artien, nik
behintzat ez dekot oso oso landuta”. (ET1;H5)
Kooperatibaren ideia landuta edukitzeko kooperatibari besteko
erantzukizuna egozten dio 1-2 partaide gazteak ere Mondraueko
Goi Eskola Politeknikoari. Izan ere, bertan ikasiek ikuspegi
kooperatiboa eta hezkuntza integrala, hau da teknikoa eta
soziala jaso beharko luketela uste du.
Baina bada beste afirmazio interesgarri bat ere goiko paragrafo
horretan, momentu batean gazteak dio: “azkenien kooperatiban
sartu naz eta gustetan jata…”; bada oinarrian gustatzen zaion
zerbait. Lehenengo urtean ez ziola alderik ikusten aipatzen du,
baina gero, pixkanaka pixkanaka “zerbait” badela jabetu dela.
Badirudi kooperatibako lan giroa eta antolaketa, zein laneko
partehartzerako eskaintzen duen tartea ere garrantzitsuak direla
kooperatiba eta kooperatibagintzaren inguruko pertzepzio edo
ikuspegi bat edo beste bat izaterako orduan.
Arrasaten kalifikazio maila altuko beharginak daude 68 , izan ere
lanak, hau da, produktuaren izaerak, ezagutza teknikoak eskatzen
ditu. Askoren iritziz lanaren izaerak, makinak diseinatu eta
muntatu beharrak, kooperatibagintzari buruzko iritzi hobea
edukitzeko orduan ere lagun dezake.
“neri hor pentsetan jata, hemen e jendia dauena
kualifikaziño nahiko altua deko. Osa, makinak eta
montetan dabizen jendia, ezindau erozeinek montau.
Orduen, berez hor kataien egoten diezenak, kataien
egoteko ez dakit ze formaziño modu bihekozun baina ez
dot uste... orduen, nik uste dot alde hortatik,
soldatia. Hemen ordaintzen dana da zuk dekozun
jakituri hori lan bat eitteko. Ze, nik suposetan dot,
hemen e, edozeinek ezin dau hemen eitten diezen
makinak ein eta eziozu ekarri gazte bat, eta esan
benga hasi lanien ta hurrengo egunerako dabil
produzitzen einbidana. Hemen bihozu, nik hemen daruot
68
Gehienak lanbide heziketa eta ingeneritza ikasitakoak dira.
258