Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
gu moldatu ein biga mundu hortako testuinguru
hortara, baina karo, testuinguru hortara
ekonomikamente moldatu baina beste alde batetik
arrazoi sozialak eta mantendu. Nola ein leiken? Batek
daki” (ET1;H5)
Kontraesanak beti egongo dira. Gakoa oreka bilatzean legoke?
Seguruenez orekak aldakorrak izan daitezke. Beraz, oreka hori
lortzean baino etorkizuna balioetan sakontzean dagoela uste du
1-2 partaideak. Balioetan sakontzeak ekarriko du jendearen
inplikazio eta identifikazioa.
“pasatzen dana hor kontradikzioak beti sortu
behar dira ez? Eta... nik uste dot erru bat dala hor
oreka bat ez alegintzea bilatzen, ez? Neretako erru
bat da hori holan eramatia. Bai egia da, kooperatibia
jaio zanian igual merkatua nazionalago edo
ingurukoago edo gertuagokoa zela, eta oin merkatua
internazionalizatu egin da eta ekonomikoki bidaltzen
du boltsan zer gertatzen den Nueva Yorken edo ez
dakit zer. Eta horrek danori afektatzen zaizkigu ez?
Baina bueno, hori gertatzen da kooperatibetan eta SAtan
bebai. Baina nik berriz esaten dot: gure
etorkizuna ez dagola nire ustez, ez dakit ze oreka
bilatzen, ze gero oreka hori izengo da, jartzen
baduzu muga edo raia edo lerroa nunbaiten gero izengo
da beste nunbaiten. Eta juango gara gure identitatea
ba nolabait galtzen. Eta gero zuek ez dozue
identifikatzen… eta neretako etorkizuna dago ba, gure
baloreak ez dakit zeintzuk izan behar diren,
sakontzen.” (ET1;H2)
Halere, eztabaidak bere horretan jarraitzen du. Gauza bat
gustatuko litzaigukeena da eta beste bat errealitateak exigitzen
diguna (sistemara moldatu beharra daukagula).
Berriz ere arlo enpresarialaren garrantzia azpimarratzen du 1-5
partaideak, dirua ezinbestean irabazi beharra dago eta ez zaigu
beste alternatibarik geratzen. Sistemaren barruan orekak
bilatzea eta arlo enpresariala sendo edukita arlo soziala
lantzen ahalegintzea da geratzen zaigun alternatiba bakarra,
ezin ditugu joko zelaia eta arauak aldatu.
“azkenian, neri be gustauko jatan baina gero
beste alde batetik realistak izan biha ga ez?
Azkenien, danok gurokou ogi zatitxo bat erutia
etxera, ez? Gauzia da, diruik ez padou lorten, ze
balore jorratu bihouz? Ez badekou lanik eziu, beste
bide paralelo baten beste ezer jorratu, ez? Orduen,
gaur egunien testuingurua zein dok? Ba, kapitalismua.
Nori gustetan jako? Ba niri ez jata gustetan.
Pentsetan dot oso oso sistema ona eztala. Ez? Baina
276