Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
1-3 partaideari eskola politeknikoari emandako diruak etorri
zaizkio gogora. Zer izango litzateke Eskola Politeknikoa
kooperatibak gabe?
“esate baterako ze izengo zan Eskola
Politeknikue kooperatiba barik? Edo ikastolak eurak?
Oin etxak burura etorten zer gehixau… guk hortarako
diru asko emun dou eta asko lagundu dou. Horreaz, ba,
gizartiai mesede haundixa eintzou, haundixaua ein
bagontzan hoba. Baine…” (ET1;H3)
Eurei, kooperatibistei ere asko eman diela dio erretiratzear den
1-1 partaideak. Ikasbidea eta lana eman dizkie eta horrekin
batera inguruan lanpostu gehiago sortzeko aukera. Eta
kooperatibek euren inguruan ere lan asko eman dute, bai lan
zuzena eta baita zeharkakoa ere, beste lantegi batzuei
hornitzaile moduan lan egiteko aukera eskainiz.
“gu kooperatibistok ez bagitzen izan, emuzku
ikasbide bat, emuzku lana. Ikasbidia eduki bagau eta
lanik ezpagau eduki, segurutik ez gitzela hemen
biziko. Guk ikusten dou kooperatibak bakarrik baina,
kooperatibak sortu dabe beste lan pila bat inguruan.
Hemengo enpresa kapitalista pila bat kooperatiben
esker dabitz, pilo bat edo asko bentzet. Kooperatibak
emun dabien lanan bittartez, ta kooperatibak euren
biharra daukie. Baina, uste dot kooperatibek emun
dabiela asko asko Euskal Herrixai…” (ET1;H1)
Gazte hauek kooperatibismoa modelo moduan defendatzen dute.
Mundu mailan eta gaur egungo ekonomia sisteman ibiltzeko modurik
justuena dela dio. Azken batean, irabaziak banatzen dira jende
gehiagoren artean. Eredua bera defendatzen dute nahiz eta gaizki
egindako gauza pila bat ere badiren onartu.
“nik kooperatibismua modelo moduen, eta gaur
egungo ekonomomia eta munduan, moduik justuena da hor
ibilteko. Azkenian irabazixak banatu eitten die, eta
ez lau akzionisten artian 1000 milioi banatzen. Gero,
nik eredua bera bai defenditzen dot, gero horrek
zertara eboluzionau daben eta gaur egun ze gauza txar
dakozen ba horrek be onartzen dodaz. Baina nik
lagunekin bai defenditzen dot kooperatibismue.”
(ET4;H2)
“bai, gure kuadrilako batek beti esaten dau
kooperatibismuan proiektu onena izan zala Caja
Laborala sortzia. Azkenian nomina danak horra doiaz
eta Caja Laboralak berak ez zozkun itxiko guri kiebra
joten. Ikusten badau gu dirua galtzen gabizela berak
be dirua galtzen dau eta orduan uste dot hortik
312