Diskurtso kooperatiboak langile-kolektiboan ... - Euskara

Atal enpirikoa
Planteamendu metodologikoa
5. Azterketa kuantitatiboaren planteamendu
metodologikoa
Atal enpirikoa teknika kuantitatiboekin osatu nahi izan dugu.
Orain arte, kualitatiboki landuko ditugun kooperatiba eta
kooperatibagintzari buruzko iritzi eta pertzepzioak
kuantifikatzea du helburu atal honek. Beraz, azterketa
kuantitatiboa kualitatiboaren osagarri dela esan dezakegu.
Kasu honetan, aukeratutako teknika kuantitatiboa inkesta da.
Kooperatibagintzaz eta kooperatibako arlo nagusienak biltzen
dituen 60 itemekin osatutako galdetegi bat prestatu dugu.
Galdetegia ezagutzera eman eta ezaugarritu aurretik helburuak
zeintzuk diren azalduko dugu.
5.1 Helburu zehatzak:
Azterketa kualitatiboan landutako gai eta elementuei azterketa
kuantitatiboa egin nahi diogu. Horra hor, azterketa
kuantitatiboaren bidez neurtu nahi ditugunak helburu zehatzetan:
1. Diskurtsoak kuantifikatzea. Hau da, diskurtso analisi
bidez identifikaturako sentipen eta jarreren izaera
baieztatzea. Diskurtsoak kopuruetara, datuetara ekartzea.
Atal kualitatiboan identifikatu eta aztertutako
diskurtsoak galdetegietan nola jasotzen diren ikusi eta
aztertzea.
2. Belaunaldien arteko konparaketa adinaren aldagaia kontuan
izanik. Kooperatibagintza nola bizi eta ulertzen duten
gazteek, helduek eta ez hain helduek. Gaur egungo
kooperatibagintzaren ezaugarriak ulertu eta baloratzeko
orduan alderik ba ote den. Kooperatiba aukeratzerako
orduan barne motibazioa nolakoa den batzuengan eta
besteengan. Etorkizuna irudikatzerako orduan adinak
eragina ote duen ala ez.
Adinaren aldagaia kontuan izanik honako puntuak kuantifikatu
eta aztertzea:
• Sentimendu kooperatiboa
• Partehartzea
• Hezkuntza kooperatiboa
• Motibazioak
• Kooperatibagintzaren etorkizuna
3. Fagor Taldearen inguruko itemak aztertu eta konparatzea.
Bi aldagairen arabera, adina alde batetik, organoetan
partehartzea bestetik.
221