Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
Kooperatibagintzak gailurra jo du, jada ez dago zentzu
konpartiturik. Desideologizazioa nabarmena da 70.hamarkadatik
hona. Ez zaigu gustatzen baina ezin dugu ezer egin. Moldatzea
besterik ez zaigu gelditzen. Enpresa gizartearen isla da eta
ezin dugu aldatu, ez dago gure esku (gizarteak determinatzen
gaitu). Eskuetatik ihes egiten utzi dugu eta gaur honez gero ez
dauka atzera bueltarik. Berandu gabiltza.
“Antes se trabajaba en cooperativa para crear
cooperativas. Hoy en día se trabaja por
motivación económica. Hemos tocado techo y
estamos descendiendo. El mundo cooperativo ha
tocado techo, no se puede ir más arriba. Ya esta
hecho todo lo que se podía hacer.” (abenduak 3)
Diskurtso honen atzean eszeptizismoa suma daiteke.
Kooperatibagintzaren etorkizuna ezingo da orain arteko bide
beretik landu. Ezin zaie garai bateko idealismoei eutsi.
Kooperatibak gizartea eraldatzeko bokazioz jaio eta garatu
baziren ere, gaur egun gizarteak daramatza kooperatibak.
Hazkuntzaren ajeak
“Ni ere eszeptikoa naiz. Zentzua galdu egin
du(kooperatibagintzak), ez dago zentzu argirik”
(apirilak 22)
Kooperatibak tamainaz asko handitu dira euren ibilbidean zehar,
horrek ondorio nabarmenak izan ditu partehartzearen hoztean
esate baterako. Diskurtso honen arabera, bazkideek, eta
orokorrean langileek, gero eta gutxiago parte hartzen dute. Eta
horri dagokionean ere ezin da gauza handirik egin. Geuk sortu
ditugu gainegitura eta antolaketarako estruktura zein organoak
baina orain ez dute funtzionatzen. Jendeak paso egiten du eta
ezin dezakegu ezer egin. Jendeak ez du parte hartzeko kulturarik
garatu.
“Haundi egin ahala partehartzea hoztu. Egun ez
dugu elkar ezagutzen (lehen bai)” (apirilak 22)
“Gero eta handiagoak garenez, gero eta
burokrazia handiagoa dago eta jendeak ez du
partehartzen” (azaroak )
Partehartzearen gaiarekin jarraituz generazioen arteko etenak
ere ez du lagundu horretarako. Ez dugu kooperatibagintzaren
muina transmititzen jakin. Ez dugu asmatu behar bezala
transmititzen. Erantzukizuna batzuen gain bakarrik uzteko joera
eta kultura da garatu duguna. Indize handiena duenak, hau da,
diru gehien irabazten duenak pentsatu dezala, besteok egin
egingo dugu.
232