Diskurtso kooperatiboak langile-kolektiboan ... - Euskara

Atal enpirikoa
Eztabaida Taldeen azterketa
hoi ukitu edo ez. Eta berak esaten badik hori ez
ukitu eta ukitzen badet, ba akaso badakit atea non
dagon. Eta hau gurea da, guk dauzkeu erabakitzeko
ahalmenak, eskubideak, honen aldaketarako eskumena
ere guk daukeu hortarako ere bai. Azkenen ustet danen
arten egindako zerbait dala eta gainera ondarea.
Gizartea nolabait hobetu nahi baldin bada hau ere
bide bat da. Azkenean hau ondo baldin badijoa eta
hemen balore batzuk tinko mantentzen badira ba
norberak balore horiek eraman ditzake hemendik
kanpora. Familiara, lagun artera, dana dalakora.”
(ET2;H3)
4.1.2 Zerk bereizten ditu kooperatibak?
Aurreko puntuan kooperatiba modu berezituan ikusteko dauden
zailtasunen inguruan jardun dugu. Puntu honetan kooperatibak
zertan bereizten diren aztertzen saiatuko gara. Hauek dira
galderak: Zer da kooperatiba bat? Zer izan beharko litzateke?
Enpresa kapitalista eta kooperatiboaren arteko berdintasun eta
desberdintasunak aztertzerako orduan hainbat elementu
identifikatu ditugu. Alde batetik, inplikazioa. Kooperatiba
baten inplikazio maila altua egon beharko litzatekela uste du
1-4 partaideak, baina aldi berean, bere ustetan, Fagor Arrasaten
Sozietate Anonimo baten moduan funtzionatzen dutela ere ikusten
du. Ez du inplikazio berezirik ikusten eta bakoitza bere lanera
mugatzen dela uste du.
“(kooperatiban) jendia egon bihako litzake askoz
gehixau inplikauta, nik usten dot enpresa kapitalista
baten baino, baina nik praktikan eztot ikusten hola
danik, eh. Nik usten dot, nik behintzat ikusten
dotena nere inguruan da ba, SA baten bezela
praktikamente funzionatzen dabela. Nere inguruan
behintzat, e. Bakoitzak eitten dittu bere zortzi
orduak eta ahazten da, nik uste dot danana dala eta,
ez litzake hola izen bihar, baina… nik ikusten dot
realidadian, nere inguruan behintzet hola ikusten
dot.” (ET1;H4)
Kooperatiban edonora heltzeko bidea dago bazkide beterano honen,
3-3 partaidearen iritziz hori da bereizgarririk garrantzitsuena.
“neretako inportantiena da kooperatibetan
daukagula, acceso a cualquier cupula de, del
estamento de la cooperativa”. Hemen edozein jun leike
edozein lekutara, hau da, norma batzun barruan. SA
anonimatan ba ez, gariela pixkat gehio.” (ET3;H3)
261