Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
“pakete guztia, herrixan daukoun nesezidade
guztiak, ze lan ein bihouen horreikin nezedidade
horreikin. Zela egon bihouen gure artian. Gure
artian, gure nezezidadiekin, azkenian, hori mundu
hori. Diferentzia. Eske kapitalista baten, han
badakik zer daukan, 8:00etatik 18:00etara eta hamen
ein bihok hainbeste eta hak etxok besterik eta
normala dok.” (ET1;H1)
SA baten moduan funtzionatzen du, ez dago diferentziarik
Kontrako iritzirik ere agertu da. Jarrera ezkorra agertzen du
1-6 partaideak. Gaur egun, hau ez da garai batean zena. Lagun
hau benetan eszeptiko agertzen zaigu, SA baten moduan
funtzionatzen du kooperatibak eta ez dago alderik. Hori horrela
izanik zaila egiten zaio desberdintzen duen elementurik
identifikatzea eta ondorioz etorkizunera begirako heldulekurik
aurkitzerik.
Eszeptiko agertzen zaigu etorkizunaren aurrean; ilun ikusten du
etorkizuna baina badirudi gai sozialetan inplikatzeak ekar
lezakeela argi izpiren bat.
“gai sozialetan eta gehixau inplikau edo, baina
gaur egun ez dakit nik. Azkenian funtzionatzen dau SA
baten moduan edo. Ez dakit.” (ET1;H6)
4.3.3 Diferentzia parte izatean dago
1-5 partaide gaztearentzat berriz parte izatean dago
diferentzia. Lan bazkideak jabetza aldetik eta erabakitzeko
eskubidea duten heinean parte hartzeko aukera dute eta hor dago
benetako diferentzia. Parte hartzeko aukera horrek egiten ditu
berezi kooperatibak.
“bueno, danok parte txiki bat ga azkenian, parte
txiki bat ga diru bat daukou hor, gauzak ondo
doiaztenian eta gauzak gaizki doiaztenian ba… ba hori
ondo doianian jaso eitten dou eta gaizki dagonian
emon ein bihakou. Ta azkenian parte ga hor, eta
hoixe, hori da diferentzia, parte gazela danok. Ta
hori…” (ET1;H5)
Zein da kooperatibaren izateko arrazoia?
Arautegia bete eta kasu egin behar zaio eta hori betetzeak
egiten duela desberdin aipatu du 1-2 partaideak, baina hortik
haratago idearioari erantzun behar zaiola dio. Kooperatibetako
benetako izateko arrazoiari erantzuten saiatzeak egiten du
desberdin kooperatibatibagintza.
280