Diskurtso kooperatiboak langile-kolektiboan ... - Euskara

Atal enpirikoa
Emaitza orokorrak
eraikitzaile-pragmatikoaren baitan kokatzen direnen artean
jarrera hori egotea, batez ere arlo soziala lantzeko ezinbesteko
ikusten baitute arlo enpresariala sendo egotea. Dena den, ez da
jarrera nabarmena, eta ez dago diskurtso oso baten oinarrian.
Posizio baikorra edo triunfalistari dagokionean, ez dugu Fagor
Arrasateko kolektiboan horrelako diskurtsorik aurkitu. Aipatu
dugu guk Arrasaten aurkitutako diskurtso guztien abiapuntua
kooperatibagintzak bizi duen zentzu krisia dela. Eta esan dugu
atal teorikoan Azkarragaren posizio triunfalistaren
diskurtsoaren atzean kokatzen direnen iritziz, AKEk ez duela
inongo zentzu krisirik bizi ez eta inongo identitate krisirik.
Beraz, Azkarragak identifikatutako diskurtsoen eta guk Fagor
Arrasateko kooperatiban aurkitutakoen artean bada alderik.
Diskurtso batzuek galera sentimendua konpartitzen dute eta
jarrera postmodernoaren zantzuak ere egon daitezke
zenbaitzuengan. Argia dena zera da, jarrera triunfalistarik
aurkitu ez dugula. Guk landutako hiru diskurtsoen atzean
kooperatibagintzaren norabidearen inguruko kezka eta zentzu
krisia leudeke.
Diskurtsoen identifikazio eta karakterizazioan, beraz, mapa
hirukoitz berria ekarri digu Fagor-Arrasaten egindako
begiratuak.
1.1.2 Kooperatiba eta kooperatibagintzaz
492
1. Helburua/ b)azpi-helburua: kooperatibako partehartze eta
demokraziaz, gizarte erantzukizunaz eta kooperatiben
etorkizunaz eta elementu ezberdinen gaineko iritziak.
Diskurtso nagusietatik gai xeheagoetara etorriz, kooperatiba eta
kooperatibagintzaren barruko elementuei buruzko iritziak
aztertuko ditugu jarraian. Azterketa kualitatibo bidez
identifikatu eta aztertu ditugu, eta galdetegi bidez neurtu
elementuoi buruzko adostasun maila azterketa kuantitatiboan.
Oraingo atal honetan, elementu horien emaitzak, atal
kualitatiboan aztertutakoak eta kuantitatibotik eratorritako
emaitzak gurutzatuko ditugu ondorio orokorrak azaltze aldera.
1.1.2.1 Zergatik lan egin kooperatiban?
Kooperatiban lan egiteko arrazoiak nola formulatzen diren jakin
nahi izan dugu. Zergatik lan egin kooperatiba batean? Zertan
bereizten dira kooperatibak, edo zergatik hobestu daiteke
berauetan lan egitea?
Diskurtso eraikitzailearen inguruan kooperatiba enpresa formula
bat baino gehiago dela aipatzen dutela esan dugu. Baina,
zenbatentzat da Fagor Arrasaten formula kooperatiboa
baliagarria? Galdetutakoen artean, baliagarria da gehiengoaren