Diskurtso kooperatiboak langile-kolektiboan ... - Euskara

Atal enpirikoa
Eztabaida Taldeen azterketa
lituzke kooperatibak eta proiektua gaurkotu. Gaur egun
belaunaldi ezberdinek parte hartzen dute kooperatiban eta
seguruenik ez dute berdin pentsatzen hogei- hogeitamar urteko
gazteek eta berrogeitamar ingurukoek. Denon artean gaurkotu
beharko litzateke proiektu hori, bereziki belaunaldi berriak
kontuan izanez.
“ba oingo proiektua e, erun biko zan oingo
denporetara. Ikusten dot gaztiak eztauela… jente
gaztiak, 20-30 urte daukenak eztauela pentsetan guk,
50gora goiazenok bezela. Orduan hor badau diferentzia
bat eta uste dot gaur egun hortara hori adaptau ein
bihako zala, kooperatiba sortu zanian zauen ba,
langilia askoz kastigauta zauen. Ez euken eskubiderik
eta kooperatiba barruen askoz eskubide gehixau auken.
Orduen, ha izen zan salto haundi bat. Eta langiliak
badauko eskubide batzuk, bueno, gaur lortuta dauz
horrek eskubidiok kanpuan be, ba, bueno oin gure
proiektua erun biko geunke beste bide batzuetan.
Beste, sozialmente beste leku batzuetan. Danok
elkartu ta ondo bizi izan gaittezen.” (ET1;H1)
Aipatu bezala gaur egun kooperatibak eta SAk nahiko antzekoak
dira gauza askotan. Alternatiba bat eraikitzen hasteko balioetan
sakondu beharra dago eta proiektu berri bat eraikitzen hasi.
Hori bai, proiektu horrekiko identifikazioa izan behar dute gaur
egungo gazteek, bestela berriz ere akats bera egingo genuke.
“Eta lehen esan douen bezela nahiko berdinak
gare, nik uste dot behar dugula gure baloretan
sakondu eta proiektue nahi badugu ateratzie ba, gure
identitateak nolabait proiektu desberdin bat izateko,
SA-gandik desberdina. Bestela gauza bera eskaintzen
egongo gara ta, ez dakit uste dot proiektu horrek ez
dutela atrakziorik eukiko beste jende berriandako.”
(ET1;H2)
Balioetan sakondu behar da eta erakargarria izango den zerbait
desberdina eskaini gizarteari, eta bereziki belaunaldi berriei.
4.3.6 Nagusitzen diren balioak
Balioen sakontzeaz aritu gara, baina zeintzuk dira gaur egun
nagusitzen diren balioak? Horiek dira, nagusitzen diren horiek
dira sakondu beharreko balioak?
Lanpostu ona edukitzea da gaur egun kooperatiban eta orokorrean
gizartean dagoen balioetako bat. Azkenean, lan postu bat,
soldata on bat eta lasaitasuna edo segurtasuna da bilatzen
duguna, hori bai, 1-1 partaidearen iritziz hori gertatzen da, ez
daukagulako proiektu argiagorik. Proiekturik ez egoteak
konpromiso eza dakar berarekin eta azken finean ilusio falta.
283