Diskurtso kooperatiboak langile-kolektiboan ... - Euskara

Taldea jorratuko dugu, gure murgiltze honek landuko duen
kooperatiba eta eskualde-taldea egoki kokatzeko.
Atal enpirikoa edo landa-lana bi atal nagusitan banatu dugu.
Planteamendu metodologikoa azalduta gero, azterketa kualitatiboa
egingo dugu Fagor Arrasateko lan-kolektiboan, eta ondoren,
unibertso beraren gainean begiratu kuantitatiboa etorriko da.
Azterketa kualitatiboari dagokionez bi zatitan banatuko dugu.
Alde batetik, ‘lehen hurbilpena’ deitu dugun atalean ikusiko
dugun moduan kooperatibagintzari buruzko hiru diskurtso
bereiziko ditugu. Ondoren, eztabaida taldeen azterketaren bidez
hiru diskurtso horietan sakondu eta elementu gehiago aztertuko
ditugu. Eta azkenik, eztabaida taldeetan aztertutako bloke
tematikoei zukua atera nahian, berauetan jasotako elementuen
erradiografia egingo dugu.
Azterketa kuantitatiboari dagokionean, galdetegi bidez jasotako
emaitzak aztertuko ditugu. Azterketa kualitatiboko eztabaida
taldeetan jasotako elementuak neurtu eta interpretatzen
ahaleginduko gara, horretarako prestatu dugun 60 itemeko
galdetegiaren bidez. Atal kuantitatibo honen emaitzen
interpretaziotik eratorritako azpi-ondorio propioak landuko
ditugu azterketa kuantitatiboaren azken puntuan.
Atal nagusiekin amaitzeko, azkenik, zortzigarren kapituluan
emaitza orokorrak bi puntutan banatuko ditugu. Alde batetik,
helburuen araberako ondorioak landuko ditugu eta bukatzeko
emaitza orokor eta esanguratsuenekin, kooperatibagintzara
begira, bi hiru orritan marraztuko dugu egin dugun begiratuaren
argazkia.
Lanaren egitura
Atal teorikoa
I. Kapitulua: Kooperatibismoaren bi logikak
II. Kapitulua: AKEren Oinarri filosofikoak
III. Kapitulua: AKEren ibilbide historikoa
IV. Kapitulua: Fagor Arrasate eta Fagor Taldea
Atal enpirikoa
V. Kapitulua: Planteamendu metodologikoa
VI. Kapitulua: Azterketa kualitatiboa
VII. Kapitulua: Azterketa kuantitatiboa
Ondorioen Atala
VIII. Kapitulua: Emaitza orokorrak
20