Diskurtso kooperatiboak langile-kolektiboan ... - Euskara

Atal teorikoa
Fagor Arrasateren ibilbide historikoa
1982-1988
3. Taldearen indarra eta garrantzia
Arrasateko historian zehar, beste hainbat etapetan gertatu den
bezala, taldearen garrantzia azpimarratzekoa izan zen etapa
honetan ere. Laguntasun honen indarra gehienbat krisi garaietan
nabaritzen baita.
3.1. Kooperatibarteko laguntasun ekonomikoa
Arrasate astindu zuen krisialdiaren lehen ondorioetako bat
diruzaintzaren egoera larria izan zen. Momentuan emaitza onak
zituzten taldeko beste kooperatiba batzuei, Copreci eta Fagor
Industriali adibidez, kreditu interkooperatiboak eskatu
zizkieten hainbat hiletako gastuei aurre egiteko.
Ularcoko kooperatiben arteko galdu-irabazien fondo komuna
aspaldidanik hartutako beste elkartasun neurri bat zen. Ehuneko
ehunean egindako emaitzen banaketa horrek kooperatiba bat baino
gehiago zutik mantendu zituen garai txarretan.
Baina ohiko elkartasun neurriez gain, baziren krisialdi
sasoietan erabilgarri ziren beste baliabide batzuk: Complemento
de Compensación fondoa, Reubicación de Personal en Procesos de
Reconversión Industrial eta FISO fondoa, besteak beste.
Reubicación de Personal en Procesos de Reconversión Industrial
Ularcoko Zerbitzu Zentralak egindako ikerketa zen,
berregituraketa egoeran zeuden enpresek bazkide guztientzat
lanik ez zuten kasuetarako; beste kooperatibetan kokatzeko
irizpideak, eman beharreko pausoak eta abar zehazten zituen.
1983an zehar landu zen txostena.
Emaitza kaskarrak zituzten taldeko enpresei laguntzeko
kooperatiba arteko solidaritate fondoa ere sortu zuten.
3.2. Elkartasunik ez dagoen lekuan indarrik ez
Ordura arte, talde txikietan batu baziren kooperatibak, polikipoliki
maila eta arlo desberdinetako elkartzeari ekin zioten;
horren adibide dira hurrengo ekimenak:
3.2.1. Fagor marka
Ekonomikoki urte beltzak izan ziren hauetan, indar guztiak ez
zeuden zulotik nola irten pentsatzen, Ularcok talde bezala asko
aurreratu baitzuen.
Ularcoren 1985-88 plangintza estrategikoan mundu mailan
talderako marka komertzial bakarra erabiltzeko beharra
azpimarratzen zen. Handik gutxira Fagor izena proposatu zen
marka komertzial bateratu bezala, Ularco baino egokiago ikusten
zelako. Esan eta egin. 1986ko apiriletik aurrera Fagor markapean
181