Diskurtso kooperatiboak langile-kolektiboan ... - Euskara

Atal teorikoa
Arrasateko Kooperatiba Esperientziaren oinarri filosofikoak
Mondragon Taldeko gainontzeko kooperatibetako soldatak ere.
Azken hau, beti ere kooperatibaren jardun ekonomiko
positiboarekin lotzen delarik.
7. Lankidetza
Arrasateko Kooperatiba Esperientziaren arabera, solidaritatea
aplikatzeko eta enpresa-eraginkortasuna lortzeko, lankidetza
printzipioa honela garatu behar da:
a) Indibidualki hartutako Kooperatiben artean, Elkarteak
eratuz, sozietate eta lan- araubide homogeneoa sortzeko,
barne harturik emaitzen birmoldaketa komuna, bazkide
langileen transferentzien arauketa eta talde izatearen
ondoriozko sinergien bilaketa.
b) Elkarketen artean, egituraz gaindiko entitate eta
organoen eraketa eta kudeaketa demokratikoaren bidez,
guztion onura bilatuz.
c) Arrasateko Kooperatiba Esperientziaren eta gainerako
euskal kooperatiben artean, Euskal Kooperatiben
Mugimendua sustatzeko xedez.
d) Estatuko, Europako eta munduko gainerako mugimendu
kooperatiboekin, guztion garapena zuzentzeko itunak
eginez eta baterako organoak sortuz.
Arrasateko Kooperatiben bereizgarri dugu ere kooperatiben arteko
lankidetza, kooperatibak elkar-ekintzan aritzean datza.
Lankidetza sistema honen oinarrian elkartasuna dago.
Arizmendiarrietarentzat funtsezkoa zen elkartasuna (lana eta
hezkuntzarekin batera); elkartasuna barrura begira: elkartzekolektiboaren
onurarako edo eta kanpora begirako elkartasuna:
komunitatearekiko elkartasuna.
Elkartasunak abantailak eman edo eskaintzen dizkio norbanakoari,
taldeak babesa eskaintzen du baina aldi berean, elkartasunak
ahalegina ere esan nahi du. Norberaren ahalegin pertsonala
komunitatearen mesedetan jartzea, eta batzuetan taldearen onura
norberaren onuraren gainetik jartzea eskatzen du. Elkartasuna
agertzea, hau da, solidario izatea beraz, jarrera kontua ere
bada eta ez da beti samurra izaten.
Baina badira Arrasateko Esperientzian jarrera horren erakusgarri
diren esperientziaren baitako hainbat elementu: ordainketa
sistema (6. printzipioan landu duguna), gizartea kontuan hartu
eta gizartea eraldatzeko ahalegina (soldatak eskualdeko batez
besteko mailara mugatzea, gizarte ekintzak diruz laguntzea,
lanpostuak sortzea…)
Ariketa zaila da gaur egungo kooperatibistentzat Mendebaldeko
gizarte honetan planteatzen zaiguna. Badirudi gizartean joera
indibidualistak direla nagusi eta printzipio honen arabera
78