Diskurtso kooperatiboak langile-kolektiboan ... - Euskara

Atal teorikoa
Kooperatibismoaren bi logikak
3.2.5 Greenwood eta Gonzalez
Fagor taldean garaturiko ikerketa dugu Culturas de Fagor lanean
azaltzen dena. Fagor taldea 12 kooperatibaz osaturiko multzoa
dugu, MCC taldearen barruan egonik ere hasierako eskualdeko
elkartzeari eusten diona. Ikerketaren helburu nagusia
kooperatiben arlo gatazkatsuak identifikatzea zen, protagonisten
ikuspuntutik. Eztabaida taldeetan bildurik zenbait gairi buruz
eztabaidatu zuten: partehartzea, hierarkiak/berdintasuna,
enpleguan segurtasuna, kooperatiben elkarketa eta autonomia...
“El objetivo concreto de la orientación
antropológica de este estudio es vincular la dinámica
organizativa ya estudiada a la manera en que esas
realidades organizativas son experimentadas por sus
protagonistas. ¿Cuáles son sus diferentes
percepciones de estos procesos? ¿Qué grado de
heterogeneidad puede coexistir con un esfuerzo
cooperativo como éste? ¿Cuánto han cambiado las ideas
fundamentales con el tiempo? 29
“Nuestro propósito era aprender cómo era
procesada la experiencia del entorno institucional en
la mente de personas que ocupaban diferentes
posiciones en las cooperativas, y comprender las
propiedades y la diversidad de sus experiencias.” 30
Ikerketa lan honek kooperatiba barneko distantzien areagotzea
diagnostikatzen du, beren protagonisten pertzepzioetatik
abiatuz. Ondorengo lerroetan ikerketaren ondorio nagusienak
laburbilduko ditugu.
Autoreen arabera, bazkideek taldea arautzen duten arauak
sortzeko eta aldatzeko ahalmena eta aukera dute. Hala ere,
ikerketaren emaitzen arabera, bazkideek ez dute uste behar beste
informatuak daudenik taldearen ekintzen inguruan, eta horren
erantzukizuna gestorei egozten diete. Ikertzaileek aitortzen
dute, dena den, Fagor kulturak eragina duela langileengan eta
hauek enpresarekiko atxikimendu sendoa adierazten dutela.
Botere harremanei dagokienez, kooperatiben berdintasun
printzipioaren gainetik, bazkideek boterea besteen esku
ikusteko joera dute. “Goikoak” eta “behekoak” bikoiztasuna
darabilte diskurtsoan, zuzendaritzakoei erreferentzia
egiterakoan. Zuzendariek, ordea, boterea euren esku ez dagoela
sentitzen dute. Gogorarazten dute esperientzia sozio-ekonomikoa
dela, eta kooperatiba barnean balore gehiago daudela ez direnak
merkantilista hutsak (elkartasuna esaterako).
29 Greenwood, D. eta Gonzalez, J.L: Culturas de Fagor. Estudio antropológico de
las cooperativas de Mondragón. Txertoa. Doonostia. 1989. 92.orrialdea.
30 Greenwood, D. eta Gonzalez, J.L: op.cit. 96.orrialdea.
50