Diskurtso kooperatiboak langile-kolektiboan ... - Euskara

Atal enpirikoa
Azterketa kuantitatiboa
2. Aukeratutako metodologia
Azterketa kualitatiboan, metodologia kualitatiboen bidez
kooperatiba eta kooperatibagintzari buruzko diskurtsoak
identifikatu eta kooperatibagintzaren inguruko gai eta kezkak
aztertu ditugu. Oraingo honetan, metodo kualitatiboen bidez
elementu horiek neurtu nahi izan ditugu.
Metodologia kuantitatiboa erabili dugu izen bereko azterketa
burutzeko. Galdetegia izan da erabilitako teknika. 64 Itemekin
osatutako galdetegia diseinatu dugu eta Fagor Arrasateko
kolektiboan pasa. Behin erantzundako galdetegiak jasota SPSS-15
programa estatistikoaren bidez aztertu ditugu jasotako
erantzunak.
2.1 Galdetegiaren nondik norakoak
Azterketa kualitatiboan eztabaida taldeetan jasotako iritzien
artetik eratorritako gai eta kezkekin osatu dugu galdetegia.
Galdetegian gaiak kokatu eta ordenatzeko ahaleginean 4 bloke
nagusi egin ditugu.
Lehenengo blokeari kooperatibagintza deitu diogu. Bloke honetan
Kooperatibismoaz orokorrean galdetu nahi izan dugu. Era berean
Arrasateko Kooperatiba Esperientzia zertan eta zein neurritan
den erreferente aztertu nahi izan dugu. Kooperatibista sentitzen
ote diren, eta ala balitz zein neurritan. Kooperatibismoa
defendatzerako orduan eroso sentitzen ote diren ere aztertu nahi
izan dugu lehen bloke honetan.
Galdetegiaren atal honekin bukatzeko Fagor Arrasateko
errealitatera hurbildu eta partehartzea aztertu nahi izan dugu
(partehartze instituzionala nahiz lanpostuko partehartzea).
Hezkuntza kooperatiboa nola baloratzen duten ere jakin nahi izan
dugu. Eta azkenik, bloke honekin amaitzeko, gizarte
erantzukizunarekin lotutako itemak aztertu nahi izan ditugu.
Bigarren blokean, motibazioak deiturikoan. Langileen motibazio
iturriak aztertu ditugu. Zerk bultzatzen ditu kooperatiban lan
egitera? Zeintzuk dira lanerako motorrak?
Hirugarren blokea, Fagor Taldeari buruzkoa da.Bertan, Fagor
Taldearen izaerari buruzkoak neurtu nahi izan ditugu. Baita
Taldearenganako sentimendu eta gaurkotasuna ere.
Eta azkenik, 4.blokean Arrasateko langileek etorkizuna nola
irudikatzen duten jakin nahi izan dugu. Etorkizunera begirako
zein uste nagusitzen diren eta etorkizunean zer gertatzea
gustatu litzaiekeen jakin nahi izan ditugu.
324