Deuteronomio - Free Bible Commentary

4:15
NASB “Ingatan nga ninyong mabuti ang inyong sarili”
NKJV “Ingatan ninyong mabuti ang inyong sarili”
NRSV “Ingatan ninyo at matiyagan nang mahigpit ang sarili”
TEV “Para sa inyong sariling kapakanan, pagkatapos, maging tiyak”
NJB “lubhang mag-ingat sa lahat ng gagawin mo”
Ang PANDIWA (BDB 1036, KB 1581, Niphal GANAP) ay ginamit sa 4:2,6,9 (na dalawang beses),
15,23,40. Ang pagkilos ng Israel ay may pasubaling kaugnayan sa kasunduan ni YHWH. Sila ay walang
tigil na pinagbabawalan sa pagsamba sa diyus-diyusan (cf. 5:8-10).
4:16 “mangagpakasama, at kayo'y gumawa sa inyo ng isang larawang inanyuan” Ito ay isang
sangunian sa ginintuang baka (cf. Exodo 32) na kaugnay sa kawalang katawan ni YHWH. Ang mga
Israelita ay hindi kakatawanin si YHWH sa pamamagitan ng kahit anong bagay (cf. vv. 16-18,23,25; 5:8;
Exodo 20:4).
“na kahawig ng lalake o babae” Ang pagkahilig ng sangkatauhan ay itinulad ang Diyos sa isang
lalaki o babae. Kung tayo ang maglalagay sa Diyos sa isang anyong pantao, inilagay natin Siya sa isang
anyo na maaari nating pamahalaan.
4:17 “Na kahawig ng anomang hayop” Ito ay maaaring tumukoy sa (1) sa paggamit ng mga hayop ng
ibang mga bansa upang katawanin ang kanilang mga lalaki at babaeng diyus-diyosan o (2) mga katangian
ng mga hayop na naglalarawan sa Diyos.
4:18 “ng anomang bagay na umuusad sa lupa” Ito ay maaaring tumutukoy sa ang Scarab na bubuyog
ng Ehipto na banal sa kanila.
4:19 “ang buwan, at ang mga bituin, sangpu ng buong natatanaw sa langit” Ang mga sinauna,
gayundin ang mga makabago (horoscope), ay tinatantsa na ang mga bituin ay kumakatawan sa mga
pwersa o mga kapangyarihan na namamahala sa mga buhay ng mga tao. Ang pagsamba sa mga nilalang
sa kalangitan ay tila nagsimula sa Babilonya (Genesis 1 ay maaaring kumatawan sa isang reaksyon sa
ganitong uri ng pagsamba sa diyus-diyusan, tulad ng Exodo 20 na kumakatawan sa isang reaksyon sa
pagsamba sa diyus-diyusan ng Ehipto). Ang Israel ay kailangang mariing itanggi ang ganitong uri ng r
pagsamba sa diyus-diyusan!
“na binahagi ng PANGINOON ninyong Diyos sa lahat ng mga bayan” Ang PANDIWA (BDB 323,
KB 322, Qal GANAP) ay nangangahulugang “hatiin,” ngunit sa kaunawaan ng pamamahagi o
pagbabaha-bahagi. Ito ay maaaring magpahiwatig na ang Diyos ay nanghihimok sa panghimpapawid na
pagsamba, ngunit sa halip sa aking palagay, ito ay isa pang paraan ng pagpapakita ni YHWH ng
kapangyarihan na higit sa lahat ang mundo (cf. 29:26; 32:8). Ang pagsamba sa diyus-diyosan ay hindi
kailanman plano o kalooban ng Diyos para sa sangkatauhan.
4:20 “sa hurnong bakal” Ang isa hurno ay ginagamit ang walang pakinabang na bato, tinutunaw ito at
ginagawang may gamit na bakal. Ito ay isa pang paghahalintulad sa kung ano ang ginawa ng Diyos sa
Israel doon sa Ehipto (cf. I Mga Hari 8:51; Jeremias 11:4 at ang katulad talinghaga sa Isaias 48:10).
“upang kayo'y maging sa kaniya'y isang bayang mana” Ito ay isang natatanging titulo para sa
kasunduang bayan ni YHWH (e.g., Exodo 19:5; Deuteronomio 7:6; 14:2; 26:18; Tito 2:14; at I Pedro 2:9).
Sila ay may maka-Diyos na mamanahin (YHWH at lupain) dahil pinili sila ni YHWH bago pa man ang
paglalang (cf. 32:8-9; Mga Awit 33:6-12; Jeremias 10:16; 51:19) upang Siya ay katawanin sa mundo.
73