Deuteronomio - Free Bible Commentary

12:17 “ang ikasangpung bahagi” Ang talatang ito ay nagtala ng maraming mga bagay na dapat
ipagkaloob bilang ikapu (BDB 798 cf. 14:23; 18:4; Mga Bilang 18:12):
1. “trigo” - BDB 186
2. “alak” - BDB 440
3. “langis” - BDB 850
Ito ay isang pang-agrikulturang lipunan.
12:19 Tingnan ang tala sa v. 12.
TEKSTO SA NASB (BINAGO): 12:20-27
20 Pagka palalakihin ng PANGINOON mong Diyos ang iyong hangganan, gaya ng kaniyang
ipinangako sa iyo, at iyong sasabihin, Ako'y kakain ng karne, sapagka't nasa mong kumain ng
karne; ay makakakain ka ng karne, ayon sa buong nasa mo. 21 Kung ang dakong pipiliin ng
PANGINOON mong Diyos na paglalagyan ng kaniyang pangalan ay totoong malayo sa iyo, ay
papatay ka nga sa iyong bakahan at sa iyong kawan, na ibinigay sa iyo ng PANGINOON, gaya ng
iniutos ko sa iyo, at makakakain ka sa loob ng iyong mga pintuang-daan, ayon sa buong nasa
mo. 22 Kung paano ang pagkain sa maliit at malaking usa, ay gayon kakanin; ang marumi at ang
malinis ay kapuwang makakakain niyaon. 23 Lamang ay pagtibayin mong hindi mo kakanin ang
dugo: sapagka't ang dugo ay siyang buhay; at huwag mong kakanin ang buhay na kasama ng
laman. 24 Huwag mong kakanin yaon; iyong ibubuhos sa ibabaw ng lupa na parang tubig.
25 Huwag mong kakanin yaon; upang ikabuti mo, at ng iyong mga anak pagkamatay mo, kung
iyong gagawin ang matuwid sa paningin ng PANGINOON. 26 Ang iyo lamang mga itinalagang
bagay na tinatangkilik mo, at ang iyong mga panata, ang iyong dadalhin, at yayaon ka sa
dakong pipiliin ng PANGINOON: 27 At iyong ihahandog ang iyong mga handog na susunugin, ang
laman at ang dugo, sa ibabaw ng dambana ng PANGINOON mong Diyos: at ang dugo ng iyong
mga hain ay ibubuhos sa ibabaw ng dambana ng PANGINOON mong Diyos; at iyong kakanin ang
karne.
12:20 “Ako'y kakain ng karne” Ang PANDIWANG ito (BDB 37, KB 46) ay naulit nang tatlong beses:
1. Qal COHORTATIVE
2. Qal PAWATAS NA PAGKAKAYARI
3. Qal DI-GANAP
Kung sila ay magnanais na kumain ng karne sa Ipinangakong Lupain sila ay walang alinlangan
magagawa ito:
1. Tamang uri ng karne (vv. 17,22)
2. pinatay at ang tamang pook (vv. 15,18,21,27)
3. pinatay sa tamang paraan (vv. 16,23-25)
12:23 “pagtibayin mo” Ang PANDIWANG ito (BDB 304, KB 302, Qal PAUTOS) ay nangangahulugang
“maging malakas” (cf. 31:6,7,23) sa kaunawaan ng matibay na pagpipigil mula sa ano mang bagay (cf. I
Cronica 28:7).
12:26 “mga itinalagang bagay” Ito ay tumutukoy sa mga bagay na nabanggit sa v. 17.
12:28 “Iyong sundin” Ang PANDIWANG ito (BDB 1036, KB 1581, Qal PAUTOS) ay ginamit nang paulitulit
sa Deuteronomio (cf. 4:9,15,23; 6:12; 8:11; 11:16; 12:13,19,28,30; 15:9; 24:8) upang pasiglahin ang
pagsunod sa kasunduan ni YHWH.
“upang magpakailan man ay ikabuti mo, at ng iyong mga anak pagkamatay mo” Ang PANDIWA
167